Jou Geloof Het Jou Gered (27-03-2022)

Jou Geloof Het Jou Gered (27-03-2022) PDF

– Banie Swanepoel:

Die gedeelte wat sê ‘jou geloof het jou gered’ kan so maklik verkeerd opgeneem word. Dit kan so maklik die evangelie van redding so vereenvoudig, dat dit eintlik niks is nie.

Ons gaan na Skrifgedeeltes kyk waar dit voorkom en dan is die gevaar dat ons dit verkeerd verstaan, want dit gaan oor redding. Redding beteken ons is verlore. Verlore beteken jy gaan hel toe. Jy gaan ‘n ewigheid weg van GOD spandeer in die poel van vuur. Stoksiel alleen. Jy gaan alles beleef wat sleg is; eensaamheid, verwerping…

Jy gaan jouself so kasty, net omdat jy verkeerd besluit het…

001 Jou geloof het jou gered (‘n Harde evangelie) 27-03-2022

002 Jou Geloof Het Jou Gered (Wat is hierdie geloof wat ons siele kan red?) 03-04-2022

003 Jou geloof het jou gered – (Liewe Jesus) 10-04-2022

001 ‘n Harde evangelie (27-03-2022)

Lukas 7:37 En toe ‘n vrou in die stad, wat ‘n sondares was, verneem dat Hy in die Fariseër se huis aan tafel was, het sy ‘n albaste fles met salf gebring 38 en agter by sy voete gaan staan en geween; en sy het sy voete begin natmaak met haar trane en hulle afgedroog met die hare van haar hoof; en sy het sy voete gesoen en met salf gesalf.

Lukas 7:48 En Hy sê vir haar: Jou sondes is vergewe. 49 Toe begin die wat aan tafel was, by hulleself te sê: Wie is hierdie man wat selfs die sondes vergewe? 50 En Hy sê vir die vrou: Jou geloof het jou gered; gaan in vrede.

Lukas 8:43 En ‘n vrou wat twaalf jaar lank aan bloedvloeiing gely het, en wat haar hele vermoë aan geneeshere uitgegee het en deur niemand gesond gemaak kon word nie, 44 het van agter af gekom en die soom van sy kleed aangeraak, en haar bloedvloeiing het onmiddellik opgehou.

Lukas 8:48 En Hy sê vir haar: Hou goeie moed, dogter, jou geloof het jou gered. Gaan in vrede.

Markus 2:5 En toe Jesus hulle geloof sien, sê Hy vir die verlamde: Seun, jou sondes is jou vergewe!

Lukas 18:38 Toe roep hy uit en sê: Jesus, Seun van Dawid, wees my barmhartig!

Lukas 18:42 En Jesus sê vir hom: Sien! Jou geloof het jou gered.

Lukas 23:40 Maar die ander een antwoord en bestraf hom en sê: Vrees jy ook God nie, terwyl jy in dieselfde oordeel is? — 41 ons tog regverdiglik, want ons ontvang die verdiende loon vir ons dade, maar Hy het niks verkeerds gedoen nie. 42 En hy sê vir Jesus: Dink aan my, Here, wanneer U in u koninkryk kom. 43 En Jesus antwoord hom: Voorwaar Ek sê vir jou, vandag sal jy saam met My in die Paradys wees.

Hebreërs 11:1 Die geloof dan is ‘n vaste vertroue op die dinge wat ons hoop, ‘n bewys van die dinge wat ons nie sien nie.

Génesis 22:12 En Hy sê: Moenie jou hand na die seun uitsteek nie, en doen hom niks nie; want nou weet Ek dat jy God vrees en jou seun, jou enigste, van My nie teruggehou het nie.

Romeine 4:3 Want wat sê die Skrif? Abraham het in God geglo, en dit is hom tot geregtigheid gereken.

Galásiërs 3:6 Net soos Abraham in God geglo het, en dit is hom tot geregtigheid gereken.

Jakobus 2:23 En die Skrif is vervul wat sê: En Abraham het God geglo, en dit is hom tot geregtigheid gereken, en hy is ‘n vriend van God genoem.

Hebreërs 11:8 Deur die geloof het Abraham, toe hy geroep is, gehoorsaam weggetrek na die plek wat hy as ‘n erfenis sou ontvang; en hy het weggetrek sonder om te weet waar hy sou kom. 9 Deur die geloof het hy as vreemdeling gaan woon in die land van belofte soos in ‘n vreemde land en in tente gewoon met Isak en Jakob, die mede-erfgename van dieselfde belofte. 10 Want hy het die stad verwag wat fondamente het, waarvan God die boumeester en oprigter is.

Matthéüs 10:39 Wie sy lewe vind, sal dit verloor; en wie sy lewe verloor om My ontwil, sal dit vind.

Matthéüs 16:25 Want elkeen wat sy lewe wil red, sal dit verloor; maar elkeen wat sy lewe om My ontwil verloor, sal dit vind.

Hebreërs 11:39 En alhoewel hulle almal deur die geloof getuienis ontvang het, het hulle die belofte nie verkry nie, 40 omdat God iets beters oor ons beskik het, sodat hulle nie sonder ons volmaak sou word nie.

Efésiërs 5:15 Pas dan op dat julle nougeset wandel, nie as onwyse nie, maar as wyse; 16 en koop die tyd uit, omdat die dae boos is. 17 Daarom moet julle nie onverstandig wees nie, maar verstaan wat die wil van die Here is.

~!~!~!~!~!~!~!~!~!~!~!~!~!~

002 Wat is hierdie geloof wat ons siele kan red? 03-04-2022

Met die vorige boodskap het ons gesien dit is nie ‘n maklike evangelie nie.

Daar is maklike evangelies daar buite, maar dit lei nêrens heen nie.

Yahshua se dissipels het gesê, die woorde is hard, wie kan daarna luister? Hulle het Hom verlaat, sonder dat Hy hulle gekeer het.

Yashua se evangelie het nie ‘n sydeur waardeur jy kan inglip nie, want dan sal dit nie meer in geregtigheid wees nie. As ons eendag voor die Regter op ‘n onregverdige manier gaan staan, gaan Hy ons nie oorsien nie…

Opsomming van vorige aflewering:

Om Hom te glo, is om te doen wat Hy sê en nie om te gee wat die gevolge gaan wees nie, maar tevrede met die uitkoms te wees.
Gelowiges is tevrede dat hulle kind geoffer word. (Abraham)
Gelowiges is tevrede dat hulle prinsskap in Egipte verval. (Moses)
Gelowiges is tevrede om hulle geleerde- en of geestelike posisie in hierdie wêred te verloor. (Paulus)
Slegs hulle wat vas glo in ‘n toekomsvisie anderkant die dood, is in staat om hierdie lewe prys te gee en die risiko te neem wat daaraan verbonde is, om in GOD se Woord te glo.

In hierdie aflewering gaan ons kyk na wat hierdie geloof ís, wat ons siele kan red.

‘As jy glo, sal jy gered word’, is ‘n evangelie waarvan twee is. Die werklike manier wat hard is, of die wêreld se manier wat sag is… Die saligheid van jou siel is egter op die spel, daarom kan jy nie verkeerd kies nie.

Jy kry nét één kans. As jy die breë weg gestap het met die verwagting dat jy deur GOD se Koninkryk se poort gaan stap, gaan jy baie teleurgesteld wees as jy eendag daar kom, maar jy word weggewys.

Vereistes om te glo:

Soek en begeer dit.
Glo soos ‘n kindjie.
Vul en vervul jou met GOD se geïnspireerde Woord.

Romeine 10:17 Die geloof is dus uit die gehoor, en die gehoor is deur die woord van God.

Handelinge 2:38 En Petrus sê vir hulle: Bekeer julle, en laat elkeen van julle gedoop word in die Naam van Jesus Christus tot vergewing van sondes, en julle sal die gawe van die Heilige Gees ontvang.

Markus 16:15 En Hy het vir hulle gesê: Gaan die hele wêreld in en verkondig die evangelie aan die ganse mensdom. 16 Hy wat glo en hom laat doop, sal gered word; maar hy wat nie glo nie, sal veroordeel word.

Matthéüs 6:19 Moenie vir julle skatte bymekaarmaak op die aarde, waar mot en roes verniel en waar diewe inbreek en steel nie; 20 maar maak vir julle skatte bymekaar in die hemel, waar geen mot of roes verniel nie en waar diewe nie inbreek en steel nie; 21 want waar julle skat is, daar sal julle hart ook wees.

Matthéüs 6:25 Daarom sê Ek vir julle: Moenie julle kwel oor jul lewe—wat julle sal eet en wat julle sal drink nie; of oor jul liggaam—wat julle sal aantrek nie. Is die lewe nie meer as die voedsel en die liggaam as die klere nie?

Matthéüs 6:31 Daarom moet julle jul nie kwel en sê: Wat sal ons eet, of wat sal ons drink, of wat sal ons aantrek nie? 32 Want na al hierdie dinge soek die heidene; want julle hemelse Vader weet dat julle al hierdie dinge nodig het. 33 Maar soek eers die koninkryk van God en sy geregtigheid, en al hierdie dinge sal vir julle bygevoeg word.

Matthéüs 7:13 Gaan in deur die nou poort, want breed is die poort en wyd is die pad wat na die verderf lei, en daar is baie wat daardeur ingaan. 14 Want die poort is nou en die pad is smal wat na die lewe lei, en daar is min wat dit vind.

Die NG Kerk En Die Bybel (01.08.2021)

Watter Kerk Is Dan Nou Reg? (1.4.2019)

Openbaring 2:10 Vrees vir niks wat jy sal ly nie. Kyk, die duiwel gaan sommige van julle in die gevangenis werp, sodat julle op die proef gestel kan word; en julle sal tien dae lank verdrukking hê. Wees getrou tot die dood toe, en Ek sal jou die kroon van die lewe gee. 11 Wie ‘n oor het, laat hom hoor wat die Gees aan die gemeentes sê. Die wat oorwin, sal deur die tweede dood geen skade ly nie.

Openbaring 3:10 Omdat jy die woord van my lydsaamheid bewaar het, sal Ek jou ook bewaar in die uur van beproewing wat oor die hele wêreld kom om die bewoners van die aarde op die proef te stel. 11 Kyk, Ek kom gou! Hou vas wat jy het, sodat niemand jou kroon kan neem nie.

Lukas 13:23 Toe sê iemand vir Hom: Here, is die wat gered word, min? En Hy antwoord hulle: 24 Stry hard om in te gaan deur die nou poort, want baie, sê Ek vir julle, sal probeer om in te gaan en sal nie in staat wees nie. 25 Wanneer die eienaar van die huis opgestaan en die deur gesluit het, en julle begin buitekant te staan en aan die deur te klop en te sê: Here, Here, maak vir ons oop—sal Hy antwoord en vir julle sê: Ek ken julle nie waar julle vandaan is nie. 26 Dan sal julle begin sê: Ons het in u teenwoordigheid geëet en gedrink, en U het op ons strate geleer. 27 En Hy sal sê: Ek sê vir julle, Ek ken julle nie waar julle vandaan is nie. Gaan weg van My, al julle werkers van die ongeregtigheid! 28 Daar sal geween wees en gekners van die tande, wanneer julle Abraham en Isak en Jakob en al die profete in die koninkryk van God sal sien, maar julle self uitgedryf buitentoe.

~!~!~!~!~!~!~!~!~!~!~!~!~!~

003 Liewe Jesus 10-04-2022

Jou geloof het jou gered / geregverdig. Geregverdig beteken ek is geregtig om voor die Almagtige te staan.

Opsomming:

Om Hom te glo, is om te doen wat Hy sê en nie om te gee wat die gevolge gaan wees nie, maar tevrede met die uitkoms te wees.
Gelowiges is tevrede dat hulle kind geoffer word. (Abraham) * Gelowiges is tevrede dat hulle prinsskap in Egipte verval. (Moses) * Gelowiges is tevrede om hulle geleerde- en of geestelike posisie in hierdie wêred te verloor. (Paulus) * Nadat hulle die waarheid gehoor het en nadat hulle nog steeds gekruisig gaan word, al vra hulle vir hulp, maar is tevrede al word hul nie gered nie. (Yahshua in Getsémané)
Slegs hulle wat vas glo in ‘n toekomsvisie anderkant die dood, is in staat om hierdie lewe prys te gee en die risiko te neem wat daaraan verbonde is, om in GOD se Woord te glo.
Hierdie geloof, red jou.

Hebreërs 11:13 In die geloof het hulle almal gesterwe sonder om die beloftes te verkry, maar hulle het dit uit die verte gesien en geglo en begroet, en het bely dat hulle vreemdelinge en bywoners op aarde was. 14 Want die wat sulke dinge sê, verklaar dat hulle ‘n vaderland soek. 15 En as hulle bly dink het aan dié vaderland waaruit hulle weggetrek het, sou hulle geleentheid gehad het om terug te keer. 16 Maar nou verlang hulle na ‘n beter een, dit is ‘n hemelse. Daarom skaam God Hom nie vir hulle om hulle God genoem te word nie, want Hy het vir hulle ‘n stad berei.

Matthéüs 24:4 En Jesus antwoord en sê vir hulle: Pas op dat niemand julle mislei nie.

2 Korinthiërs 11:3 Maar ek vrees dat, net soos die slang Eva deur sy listigheid bedrieg het, julle sinne so miskien bedorwe kan raak, vervreemd van die opregtheid teenoor Christus. (Galásiërs 3:1 o, Onverstandige Galásiërs, wie het julle betower om die waarheid nie gehoorsaam te wees nie, julle voor wie se oë Jesus Christus afgeskilder is as onder julle gekruisig?)

Jeremia 23:1 Wee die herders wat die skape van my weide laat omkom en hulle verstrooi, spreek die HERE. 2 Daarom, so sê die HERE, die God van Israel, aangaande die herders wat my volk oppas: Júlle het my skape verstrooi en hulle verdrywe en hulle nie opgesoek nie. Kyk, Ek besoek oor julle die boosheid van julle handelinge, spreek die HERE.

Jeremia 23:16 So sê die HERE van die leërskare: Luister nie na die woorde van die profete wat vir julle profeteer nie; hulle vervul julle met ydele verwagtinge; gesigte uit hul eie hart verkondig hulle, nie uit die mond van die HERE nie. 17 Hulle sê gedurig aan my veragters: Die HERE het gespreek: Julle sal vrede hê; en aan elkeen wat wandel in die verharding van sy hart, sê hulle: Geen onheil sal oor julle kom nie. 18 Want wie het in die raad van die HERE gestaan, dat hy sy woord sou sien en hoor? Wie het sy woord beluister en gehoor?

Jeremia 23:21 Ek het die profete nie gestuur nie, tog het hulle geloop; Ek het nie met hulle gespreek nie, tog het hulle geprofeteer.

Jeremia 23:25 Ek het gehoor wat die profete sê, wat in my Naam vals profeteer met die woorde: Ek het gedroom, ek het gedroom! 26 Hoe lank nog? Is dit in die hart van die profete wat leuens profeteer en profete is van die bedrieëry van hulle hart— 27 is hulle daarop bedag om my volk my Naam te laat vergeet deur hulle drome wat hulle die een aan die ander vertel, soos hulle vaders my Naam vergeet het deur Baäl?

Jeremia 23:32 Kyk, Ek het dit teen hulle wat leuenagtige drome profeteer, spreek die HERE, en dit rondvertel en my volk verlei met hulle leuens en hulle grootpratery, terwyl Ek hulle nie gestuur en aan hulle geen bevel gegee het nie, en hulle vir hierdie volk hoegenaamd geen voordeel bring nie, spreek die HERE.

Jesaja 1:13 Bring nie meer skynheilige offergawes nie; gruwelike reukwerk is dit vir My. Nuwemane en sabbatte, die uitroep van samekomste—Ek verdra geen ongeregtigheid en feestyd nie! 14 Julle nuwemane en julle feestye haat my siel; hulle is My ‘n oorlas. Ek is moeg om dit te dra. 15 En as julle jul hande uitbrei, bedek Ek my oë vir julle; ook as julle die gebed vermenigvuldig, luister Ek nie: julle hande is vol bloed. 16 Was julle, reinig julle, neem die boosheid van julle handelinge voor my oë weg, hou op om kwaad te doen, 17 leer om goed te doen, soek die reg, beteuel die verdrukker, doen reg aan die wees, verdedig die saak van die weduwee. 18 Kom nou en laat ons die saak uitmaak, sê die HERE: al was julle sondes soos skarlaken, dit sal wit word soos sneeu; al was dit rooi soos purper, dit sal word soos wol. 19 As julle gewillig is en luister, sal julle die goeie van die land eet. 20 Maar as julle weier en wederstrewig is, sal julle deur die swaard geëet word; want die mond van die HERE het dit gespreek.

Deuteronómium 32:39 Aanskou nou dat dit Ek (Liewe Jesus) is en dat daar geen god naas My is nie; Ek (Liewe Jesus) maak dood en maak lewend, Ek (Liewe Jesus) het verbrysel en Ek genees; en daar is niemand wat uit my hand red nie. 40 Want Ek sal my hand na die hemel ophef en sê: So waar as Ek ewig leef— 41 as Ek (Liewe Jesus) my glinsterende swaard skerp gemaak het en my hand na die strafgerig gryp, sal Ek (Liewe Jesus) wraak oefen op my teëstanders en my haters vergelde. 42 Ek (Liewe Jesus) sal my pyle dronk maak van bloed, en my swaard sal vlees eet: van die bloed van hom wat verslaan en gevang is, van die kop van die vyand se aanvoerders. 43 Jubel, o nasies, oor sy volk, want Hy (Liewe Jesus) sal die bloed van sy knegte wreek, en Hy (Liewe Jesus) sal wraak oefen op sy teëstanders en versoening doen vir sy land en sy volk.

1 Sameul 2:6 Die HERE (Liewe Jesus) ) maak dood en maak lewend; Hy laat neerdaal in die doderyk en laat daaruit opkom.

Hoséa 6:1 Kom en laat ons terugkeer tot die HERE (Liewe Jesus) ; want Hy (Liewe Jesus) het verskeur en sal ons genees, Hy (Liewe Jesus) het geslaan en sal ons verbind.

Jesaja 66:15 Want kyk, die HERE (Liewe Jesus) sal kom in vuur, en sy waens soos ‘n stormwind, om in hittigheid sy toorn te openbaar en in vuurvlamme sy dreiging. 16 Want met vuur en met sy swaard sal die HERE ((Liewe Jesus) strafgerig hou oor alle vlees, en hulle wat deur die HERE (Liewe Jesus) verslaan is, sal baie wees.

Jeremia 46:10 Maar dié dag behoort aan die Here HERE (Liewe Jesus) van die leërskare, ‘n dag van wraak, om wraak te neem op sy teëstanders; en die swaard sal verslind en versadig en dronk word van hulle bloed; want die Here HERE (Liewe Jesus) van die leërskare het ‘n slagoffer in die Noordland, by die Eufraatrivier.

Númeri 16: 27 En hulle het gemaak dat hulle wegkom rondom die woning van Korag, Datan en Abíram; maar Datan en Abíram het uitgekom en gaan staan by die deur van hulle tente saam met hulle vroue en seuns en kindertjies. 28 Toe sê Moses: Hieraan sal julle weet dat die HERE my gestuur het om al hierdie werke te doen, dat hulle nie uit my eie hart is nie:

Númeri 16:31 En toe hy al hierdie woorde klaar gespreek het, skeur die grond wat onder hulle was, 32 en die aarde het sy mond oopgemaak en hulle verslind saam met hul huisgesinne en al die mense wat aan Korag behoort het en al die goed. 33 So het hulle dan met alles wat hulle s’n was, lewendig na die doderyk afgedaal; en die aarde het hulle oordek, en hulle het omgekom uit die vergadering.

Johannes 3: 16 Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê. 17 Want God het sy Seun in die wêreld gestuur nie om die wêreld te veroordeel nie, maar dat die wêreld deur Hom gered kan word. 18 Hy wat in Hom glo, word nie veroordeel nie; maar hy wat nie glo nie, is alreeds veroordeel omdat hy nie geglo het in die Naam van die eniggebore Seun van God nie. 19 En dit is die oordeel: dat die lig in die wêreld gekom het, en die mense het die duisternis liewer gehad as die lig; want hulle werke was boos.

1 Timótheüs 6:3 As iemand iets anders leer en nie instem met die gesonde woorde van onse Here Jesus Christus en met die leer wat volgens die godsaligheid is nie, 4 dié is verwaand en verstaan niks nie, maar het ‘n sieklike sug na twisvrae en woordestryd waaruit ontstaan afguns, twis, lasteringe, bose agterdog, 5 nuttelose stryery van mense wat verdorwe in hulle verstand en van die waarheid beroof is en dink dat die godsaligheid winsgewend is. Onttrek jou aan sulke mense. 6 Maar die godsaligheid saam met vergenoegdheid is ‘n groot wins. 7 Want ons het niks in die wêreld ingebring nie; dit is duidelik dat ons ook niks daaruit kan wegdra nie. 8 Maar as ons voedsel en klere het, moet ons daarmee vergenoeg wees. 9 Maar die wat ryk wil word, val in versoeking en strikke en baie dwase en skadelike begeerlikhede wat die mense laat wegsink in verderf en ondergang. 10 Want die geldgierigheid is ‘n wortel van alle euwels; en omdat sommige dit begeer, het hulle afgedwaal van die geloof en hulleself met baie smarte deurboor. 11 Maar jy, man van God, vlug van hierdie dinge weg, en jaag ná die geregtigheid, godsaligheid, geloof, liefde, lydsaamheid, sagmoedigheid. 20 Want elkeen wat kwaad doen, haat die lig en kom nie na die lig nie, dat sy werke nie bestraf mag word nie. 21 Maar hy wat die waarheid doen, kom na die lig, sodat sy werke openbaar kan word, dat hulle in God gedoen is.

~!~!~!~!~!~!~!~!~!~!~!~!~!~~!~!~!~!~!~!~!~!~!~!~!~!~!~

DAAR STAAN ÓÓK GESKRYWE