Preke

(1) (Die onbekende God) 28-06-2026

Wat is volgens ons die definisie van liefde?

1. Verdraagsaamheid
2. Omgee
3. Vergewensgesindheid
4. Lankmoedigheid
5. Vrygewigheid
6. Barmhartigheid
7. Ens.

Dit is wel alles eienskappe van God, maar dit is wat ons hele begrip van liefde vorm.

Lukas 6:29-36  Aan hom wat jou op die wang slaan, moet jy ook die ander een aanbied; en aan hom wat jou bo-kleed neem, moet jy ook die onderkleed nie weier nie.  (30)  Maar gee aan elkeen wat jou iets vra, en eis jou goed nie terug van hom wat dit neem nie.  (31)  En soos julle wil hê dat die mense aan julle moet doen, so moet julle ook aan hulle doen.  (32)  En as julle dié liefhet wat vir julle liefhet, watter dank het julle? Want die sondaars het ook dié lief wat vir hulle liefhet.  (33)  En as julle goed doen aan die wat aan julle goed doen, watter dank het julle? Want die sondaars doen ook dieselfde.  (34)  En as julle leen aan dié van wie julle hoop om terug te ontvang, watter dank het julle? Want die sondaars leen ook aan die sondaars, om net soveel terug te ontvang.  (35)  Maar julle moet jul vyande liefhê en goed doen en leen sonder om iets terug te verwag, en julle loon sal groot wees; en julle sal kinders van die Allerhoogste wees; want Hy self is goedertieren oor die ondankbares en slegtes.  (36)  Wees dan barmhartig, soos julle Vader ook barmhartig is.

Wat is egter die definisie van liefde?

• God is liefde.
• God is die definisie van liefde, maar God is baie meer as wat hier genoem word, omdat ons net dit noem waarvan ons hou.

Ons hou van die sagte eienskappe wat vir ons tot voordeel is, maar ons vermy en ontken ander eienskappe van God, wat dan ook eienskappe van liefde is, ter wille van onsself, maar wanneer ons dan dink dat ons besig is met liefde, is dit net die een kant van liefde.

• God haat ook.

Dit is vir ons ‘n krisis, want ons dink haat is sonde, maar dan doen God sonde.

• God is ‘n God van wraak ook.

Dit is ook vir ons ‘n krisis, want in ons begrip is Hy ‘n God van liefde en daarom het Hy nie wraak nie, maar in teenstelling met dit het Hy wraak, OMDAT Hy liefde is.

• Dit beteken dat deel van liefde, wraak is.
• Dit beteken dat deel van liefde, haat is.

As ek dus haat uit die eienskappe van liefde haal, is dit nie ware Goddelike liefde nie.

• Dit beteken as God/ek liefhet, sal ek haat ook.
• Dit beteken as God/ek liefhet, maar nie haat nie, het ek nie regtig lief nie.

As ek God liefhet, sal ek haat ook en as ek nie haat nie, het ek ook nie waarlik lief nie.

As ek Godlief het, sal ek die wêreld haat en as ek die wêreld liefhet, sal ek God haat. As ek bely dat ek God liefhet maar nie die wêreld haat nie, het ek God nooit liefgehad nie.

Omdat God my liefhet, is Hy jaloers. As Hy nie jaloers was nie, is dit nie liefde nie en het Hy my nie lief nie. Ek kan nie my vrou liefhê sonder om jaloers op haar te wees nie, want dan het ek haar nie lief nie. Dit is die pakket van liefde.

God is liefde en Hy kan nie verander nie – liefde kan nie verander nie, maar liefde is dit wat God is.

Efésiërs 2:4-5  Maar God, wat ryk is in barmhartigheid, het ons deur sy grote liefde waarmee Hy ons liefgehad het,  (5)  ook toe ons dood was deur die misdade, lewend gemaak saam met Christus—uit genade is julle gered—

Dus, elke keer wat ons lees van God se liefde, moet ons besef en onthou dat dit ‘n volledige pakket is. Hy is genadig, maar Hy is ook wraakgierig. Hy is genadig, maar Hy is ook geregtigheid. As ek na Hom as ‘n genadige God gaan om my te help, maar ek lewe in ongeregtigheid, wat is my verwagting?

Wanneer iemand ‘n geliefde van my sou skade doen, ontstaan daar wraak in my, dit is die gevolg van liefde. Dit is die pakket van liefde. Ons almal worstel egter met hierdie wraak in ons, omdat ons nie wraak mag neem nie.

Waarom is daar wraak in liefde? As gevolg van geregtigheid. Liefde kan net binne geregtigheid gebeur, want wanneer daar binne liefde ongeregtigheid gebeur, moet dit reggemaak word ter wille van die geregtigheid wat binne in die liefde leef, anders kan die liefde nie bestaan nie.

Voorbeeld: ‘n Geliefde van jou word wreed verkrag en dan vermoor deur ‘n bende, maar omdat hierdie bende die regter omkoop word hulle nie vervolg nie en… daar is geen geregtigheid nie, want wraak kon nie gebeur nie. Wat ons wil hê is dat daardie misdadigers moet boet, met hulle lewens, vir wat hulle gedoen het al gaan dit nie die dogter terugbring nie.

Dit is wraak en dit is in geregtigheid en dit is as gevolg van liefde. As die pa van die dogter nou in die nag gaan en die regter doodmaak en die bende uitroei, sal hy tevrede wees, want geregtigheid het geskied. Wraak het gebeur as gevolg van sy liefde vir sy dogter.

Die risiko en gevaar van liefde, is wraak wanneer daardie liefde beskadig word.

Spreuke 6:32-35  Hy wat owerspel pleeg, is sonder verstand; hy wat sy eie lewe wil verwoes, hy doen so iets;  (33)  slae en skande sal hy kry, en sy smaad sal nie uitgewis word nie;  (34)  want jaloersheid is ‘n toorngloed in ‘n man, en op die dag van wraak verskoon hy nie;  (35)  hy neem glad geen losprys in aanmerking nie, en hy willig nie in nie al maak jy die omkoop geskenk nog so groot.

Moet ons dan wraak neem en vergeld?

Jeremia 20:11-12  Maar die HERE is met my soos ‘n geweldige held; daarom sal my vervolgers struikel en nie oorwin nie; hulle staan diep beskaamd, omdat hulle nie geslaag het nie, ‘n ewige smaad wat nie vergeet sal word nie.  (12)  Maar, HERE van die leërskare, wat die regverdige toets, wat die niere en die hart sien—laat my u wraak sien op hulle, want aan U het ek my regsaak toevertrou.

Romeine 12:9-20  Laat die liefde ongeveins wees; verafsku wat sleg is; hang die goeie aan;  (10)  wees hartlik teenoor mekaar met broederlike liefde; die een moet die ander voorgaan in eerbetoning;  (11)  wees nie traag in die ywer nie; wees vurig van gees; dien die Here;  (12)  verbly julle in die hoop; wees geduldig in die verdrukking; volhard in die gebed.  (13)  Maak voorsiening in die behoeftes van die heiliges; streef na gasvryheid;  (14)  seën die wat julle vervolg, seën en moenie vervloek nie;  (15)  wees bly met die wat bly is, en ween met die wat ween;  (16)  wees eensgesind onder mekaar; moenie na hoë dinge streef nie, maar voeg julle by die nederige; moenie eiewys wees nie;  (17)  vergeld niemand kwaad vir kwaad nie; bedink wat goed is voor alle mense;  (18)  as dit moontlik is, sover as dit van julle afhang, leef in vrede met alle mense.  (19)  Moenie julle wreek nie, geliefdes, maar gee plek vir die toorn; want daar is geskrywe: Aan My kom die wraak toe, Ek sal vergeld, spreek die Here.  (20)  As jou vyand dan honger het, gee hom iets om te eet; as hy dors het, gee hom iets om te drink, want sodoende sal jy op sy hoof vurige kole ophoop.

Daar is egter ook wraak in ongeregtigheid. Voorbeeld: Ek en ‘n makker het saam geld gesteel en toe loop hy met alles weg en ek wil nou geregtigheid laat geskied, maar ek kan nie. Daar was nie liefde betrokke nie, maar net ongeregtigheid wat deur nog ongeregtigheid vergeld wil word. Dit word net al donkerder en swarter.

Liefde is soos ‘n bal, maar ons is net aan die een kant van die bal bekendgestel. Wanneer ons dan weer na God kyk en na sy liefde kyk, moet ons weet daar is meer as net die sagte kant van omgee en versorg, maar daar is ook die vernietigende deel wat noodwendig bestaan, omdat dit deel van liefde is.

Ons ken net die voorkant en weet nie eers dat ons ‘n deel van die bal is wat ons nog nooit gesien het nie.

Net soos ‘n bal nie net uit een helfte kan bestaan nie, want dan is dit nie ‘n bal nie, net so kan liefde nie bestaan sonder die ander eienskappe nie.

Die openbaring wat ons moet sien, is dat die helfte van liefde wat ons ken, nie liefde is nie, maar ons dink net dit is.

Levítikus 26:23-25  En as julle hierdeur jul nie deur My laat tugtig nie, maar julle teen My versit,  (24)  sal Ek My ook teen julle versit en julle ook sewevoudig tref weens julle sondes.  (25)  En Ek sal ‘n swaard oor julle bring wat die wraak van die verbond sal uitoefen; en as julle dan in jul stede terugtrek, sal Ek pes onder julle in stuur, en julle sal in die hand van die vyand oorgegee word.

Liefde sonder haat is nie liefde nie. Liefde wat nie die kwaad vergeld nie was toe nooit liefde nie. Liefde wat nie jaloers is nie, is nie liefde nie. Ons is geleer dat hierdie eienskappe verkeerd is en ons het dit ons begrip van die liefde van God gemaak, maar sonder dit is dit nie liefde nie en het ons nie lief nie, want ons weet nie wat liefde beteken nie.

God sê vir Israel Hy is ‘n jaloerse God op hulle. Hoekom? Omdat Hy lief is vir hulle en Hy word geweldig jaloers en kwaad as hulle ander gode liefhet. OMDAT HY HULLE LIEF HET, IS HY JALOERS OP HULLE. As hy nie lief was vir hulle nie, sou dit Hom die minste geskeel het watter gode hulle liefhet nie.  Omdat Hy net vir Israel lief is en nie vir die ander nasies nie, is Hy nie jaloers op die ander naises se liefde vir ander gode nie.

Deuteronómium 4:19  dat jy ook jou oë nie na die hemel opslaan, en as jy die son sien en die maan en die sterre, die hele leër van die hemel, jou laat verlei en voor hulle neerbuig en hulle dien nie—dinge wat die HERE jou God aan al die volke onder die hele hemel uitgedeel het.

Wanneer Hy iemand dus liefhet en daardie mens het Hom nie terug lief nie, maar is lief vir Mammon of Bagus of homself, maak dit God baie jaloers. Jaloesie gaan oor in woede en woede in wraak as daardie geliefde van Hom, homself nie sou bekeer tot God nie.

As Hy sy lewe vir my opoffer, uit sy liefde vir my, en ek klap sy hand weg, wat is my verwagting? Omdat die godsdiens ons net blootgestel het aan die een kant van liefde weet ons nie van die ander kant nie. Een van die gevaarlike eienskappe van liefde is wraak. God sal jou volg en jou soek totdat Hy jou gekry het en dan sal Hy jou op wreedaardige wyse vernietig. Dit is wraak, dit is God, die God van liefde.

Hebreërs 10:28-31  As iemand die wet van Moses verwerp het, sterf hy sonder ontferming op die getuienis van twee of drie;  (29)  hoeveel swaarder straf, dink julle, sal hy verdien wat die Seun van God vertrap het en die bloed van die testament waardeur hy geheilig is, onrein geag en die Gees van genade gesmaad het?  (30)  Want ons ken Hom wat gesê het: My kom die wraak toe, Ek sal vergelde, spreek die Here; en weer: Die Here sal sy volk oordeel.  (31)  Vreeslik is dit om te val in die hande van die lewende God.

(2) (Ons almal verdien die wraak.) 05-07-2026

Jesaja 1:11  Wat het Ek aan die menigte van julle slagoffers? sê die HERE. Ek is sat van die brandoffers van ramme en die vet van vetgemaakte kalwers; en Ek het geen behae in die bloed van stiere of lammers of bokke nie. 12  As julle kom om voor my aangesig te verskyn, wie het dit van julle hand geëis—om my voorhowe te vertrap? 13  Bring nie meer skynheilige offergawes nie; gruwelike reukwerk is dit vir My. Nuwemane en sabbatte, die uitroep van samekomste—Ek verdra geen ongeregtigheid en feestyd nie! 14  Julle nuwemane en julle feestye haat my siel; hulle is My ‘n oorlas. Ek is moeg om dit te dra. 15  En as julle jul hande uitbrei, bedek Ek my oë vir julle; ook as julle die gebed vermenigvuldig, luister Ek nie: julle hande is vol bloed. 16  Was julle, reinig julle, neem die boosheid van julle handelinge voor my oë weg, hou op om kwaad te doen, 17  leer om goed te doen, soek die reg, beteuel die verdrukker, doen reg aan die wees, verdedig die saak van die weduwee. 18  Kom nou en laat ons die saak uitmaak, sê die HERE: al was julle sondes soos skarlaken, dit sal wit word soos sneeu; al was dit rooi soos purper, dit sal word soos wol. 19  As julle gewillig is en luister, sal julle die goeie van die land eet. 20  Maar as julle weier en wederstrewig is, sal julle deur die swaard geëet word; want die mond van die HERE het dit gespreek. 

Jesaja 53:1  Wie het geglo wat aan ons verkondig is? En aan wie is die arm van die HERE geopenbaar? 2  Hy tog het soos ‘n loot voor sy aangesig opgespruit en soos ‘n wortel uit droë grond. Hy het geen gestalte of heerlikheid gehad, dat ons Hom sou aansien nie, en geen voorkoms, dat ons Hom sou begeer nie. 3  Hy was verag en deur die mense verlaat, ‘n man van smarte en bekend met krankheid; ja, soos een vir wie ‘n mens sy gelaat verberg; Hy was verag en ons het Hom nie geag nie. 4  Nogtans het Hy óns krankhede op Hom geneem, en óns smarte—dié het Hy gedra; maar óns het Hom gehou vir een wat geplaag, deur God geslaan en verdruk was. 5  Maar Hy is ter wille van ons oortredinge deurboor, ter wille van ons ongeregtighede is Hy verbrysel; die straf wat vir ons die vrede aanbring, was op Hom, en deur sy wonde het daar vir ons genesing gekom. 6  Ons almal het gedwaal soos skape, ons het elkeen sy eie pad geloop; maar die HERE het die ongeregtigheid van ons almal op Hom laat neerkom. 7  Hy is mishandel, hoewel Hy onderworpe was, en Hy het sy mond nie oopgemaak nie; soos ‘n lam wat na die slagplek gelei word en soos ‘n skaap wat stom is voor sy skeerders—ja, Hy het sy mond nie oopgemaak nie. 8  Uit die druk en uit die strafgerig is Hy weggeneem; en onder sy tydgenote—wie het daaroor gedink dat Hy afgesny is uit die land van die lewendes? Ter wille van die oortreding van my volk was die plaag op Hom. 9  En hulle het Hom sy graf by die goddelose gegee; en by ‘n ryke was Hy in sy dood, omdat Hy geen onreg gedoen het nie en geen bedrog in sy mond gewees het nie. 10  Maar dit het die HERE behaag om Hom te verbrysel; Hy het Hom krank gemaak; as sy siel ‘n skuldoffer aangebied het, sal Hy ‘n nakroos sien;

Romeine 6:3  Of weet julle nie dat ons almal wat in Christus Jesus gedoop is, in sy dood gedoop is nie? 4  Ons is dus saam met Hom begrawe deur die doop in die dood, sodat net soos Christus uit die dode opgewek is deur die heerlikheid van die Vader, ons ook so in ‘n nuwe lewe kan wandel. 5  Want as ons met Hom saamgegroei het deur die gelykvormigheid aan sy dood, sal ons dit tog ook wees deur dié aan sy opstanding; 6  aangesien ons dit weet dat ons oue mens saam gekruisig is, sodat die liggaam van die sonde tot niet gemaak sou word en ons nie meer die sonde sou dien nie. 7  Want hy wat gesterf het, is geregverdig van die sonde. 

Lukas 13:23  Toe sê iemand vir Hom: Here, is die wat gered word, min? En Hy antwoord hulle: 24  Stry hard om in te gaan deur die nou poort, want baie, sê Ek vir julle, sal probeer om in te gaan en sal nie in staat wees nie. 

(3) (Die wraak van Liefde is op pad met ‘n skerpgemaakte swaard) 12-07-2026

Deuteronómium 32:39  Aanskou nou dat dit Ek is en dat daar geen god naas My is nie; Ek maak dood en maak lewend, Ek het verbrysel en Ek genees; en daar is niemand wat uit my hand red nie. 40  Want Ek sal my hand na die hemel ophef en sê: So waar as Ek ewig leef— 41  as Ek my glinsterende swaard skerp gemaak het en my hand na die strafgerig gryp, sal Ek wraak oefen op my teëstanders en my haters vergelde. 42  Ek sal my pyle dronk maak van bloed, en my swaard sal vlees eet: van die bloed van hom wat verslaan en gevang is, van die kop van die vyand se aanvoerders. 43  Jubel, o nasies, oor sy volk, want Hy sal die bloed van sy knegte wreek, en Hy sal wraak oefen op sy teëstanders en versoening doen vir sy land en sy volk. 44  En Moses het gekom en al die woorde van hierdie lied voor die ore van die volk gespreek, hy en Hoséa, die seun van Nun. 

Psalm 58: 11  Die regverdige sal bly wees as hy die wraak sien; hy sal sy voete was in die bloed van die goddelose. 12  En die mense sal sê: Gewis, daar is vrug vir die regverdige; gewis, daar is ‘n God wat op die aarde oordeel! 

Psalm 79: 6  Stort u grimmigheid uit oor die heidene wat U nie ken nie, en oor die koninkryke wat u Naam nie aanroep nie. 7  Want hulle het Jakob verteer en sy woning verwoes. 8  Reken ons die ongeregtighede van die voorvaders nie toe nie; laat u barmhartighede ons gou tegemoetkom, want ons is baie swak. 9  Help ons, o God van ons heil, om die eer van u Naam, en red ons en doen versoening oor ons sondes ter wille van u Naam. 10  Waarom sou die heidene sê: Waar is hulle God? Laat voor ons oë onder die heidene bekend word die wraak oor die vergote bloed van u knegte. 11  Laat die gesug van die gevangene voor u aangesig kom; laat die kinders van die dood oorbly na die grootheid van u arm. 12  En vergeld ons bure sewevoudig in hulle skoot die smaad waarmee hulle U, o Here, gesmaad het. 13  En ons, u volk en die skape van u weide, ons sal U vir ewig loof, van geslag tot geslag sal ons u lof vertel. 

Openbaring 6:9  En toe Hy die vyfde seël oopgemaak het, sien ek onder die altaar die siele van die wat gedood is ter wille van die woord van God en die getuienis wat hulle gehad het. 10  En hulle het met ‘n groot stem uitgeroep en gesê: Hoe lank, o heilige en waaragtige Heerser, oordeel en wreek U nie ons bloed op die bewoners van die aarde nie? 

Psalm 94:1  God van wraak, o HERE, God van wraak, verskyn in ligglans! 2  Verhef U, o regter van die aarde, vergeld die trotsaards hulle dade! 3  Hoe lank sal die goddelose, o HERE, hoe lank sal die goddelose jubel? 4  Hulle smaal, hulle praat onbeskaamd—al die werkers van ongeregtigheid verhef hulle. 5  o HERE, hulle verbrysel u volk, en hulle verdruk u erfdeel. 6  Hulle maak die weduwee en die vreemdeling dood en vermoor die wese 7  en sê: Die HERE sien dit nie, en die God van Jakob merk dit nie. 8  Let op, o onverstandiges onder die volk, en julle dwase, wanneer sal julle verstandig word? 9  Sou Hy wat die oor plant, nie hoor nie, of Hy wat die oog formeer, nie sien nie? 10  Sou Hy wat die nasies tugtig, nie straf nie—Hy wat die mens kennis leer? 

Jesaja 34:1  Kom nader, o volke, om te hoor; en nasies, luister! Laat die aarde hoor, en die volheid daarvan, die wêreld en alles wat daaruit voortkom. 2  Want die toorn van die HERE is oor al die nasies, en grimmigheid oor al hulle leërskare; Hy het hulle met die banvloek getref, Hy het hulle oorgegee om geslag te word. 3  En hulle gesneuweldes sal weggewerp word, en die stank van hulle lyke gaan op, en die berge smelt van hulle bloed. 4  En al die leërskare van die hemel vergaan, en die hemel word inmekaar gerol soos ‘n boek en al sy leërskare val af soos ‘n blad van die wingerdstok afval en soos vye afval van die vyeboom. 5  Want my swaard het dronk geword in die hemel; kyk, dit kom af op Edom en op die volk van my banvloek, om geoordeel te word. 6  Die swaard van die HERE is vol bloed, dit drup van vet, van die bloed van lammers en bokke, van die niervet van ramme; want die HERE het ‘n slagoffer in Bosra en ‘n groot slagting in die land Edom. 7  Dan val die buffels saam met hulle, en die jong stiere saam met die stiere; en hulle land word dronk van bloed, en hulle stof versadig van vet. 8  Want die HERE hou ‘n dag van wraak, ‘n jaar van vergelding in die regsaak van Sion. 

(4)  ’n GOD van wraak en vergelding (19-07-2026)

2 Konings 9:6  En hy het opgestaan en in die huis ingegaan. Toe giet hy die olie op sy (Jehu se) hoof uit en sê vir hom: So spreek die HERE, die God van Israel: Ek salf jou as koning oor die volk van die HERE, oor Israel. 7  En jy sal die huis van Agab, jou heer, verwoes, sodat Ek die bloed van my knegte, die profete, en die bloed van al die knegte van die HERE op Isébel kan wreek; 8  en die hele huis van Agab sal omkom, en Ek sal van Agab uitroei al wat manlik is in Israel, sonder uitsondering. 9  Want Ek sal die huis van Agab maak soos die huis van Jeróbeam, die seun van Nebat, en soos die huis van Baésa, die seun van Ahía. 10  En die honde sal Isébel eet op die dorpsgrond van Jísreël, en daar sal niemand wees wat haar begrawe nie.

Jesaja 63:1  Wie is dit wat daar aankom uit Edom, met bloedrooi klere uit Bosra? Hy daar, pragtig in sy gewaad, wat agteroor buig in die volheid van sy krag? Dit is Ek wat in geregtigheid spreek, wat magtig is om te verlos. 2  Waarom is u gewaad so rooi, en u klere soos dié van een wat die wynpers trap? 3  Ek het die pers alleen getrap, en van die volke was niemand by My nie; en Ek het hulle getrap in my toorn en hulle vertrap in my grimmigheid, sodat hulle lewensap op my klere gespat en Ek my hele gewaad bevlek het. 4  Want die dag van wraak was in my hart, en die jaar van my verlossing het gekom. 5  En Ek het uitgekyk, maar daar was geen helper nie; en Ek het My verbaas, maar daar was niemand wat ondersteun nie. Toe het my arm My gehelp en my grimmigheid het My ondersteun. 6  En Ek het volke vertrap in my toorn en hulle dronk gemaak in my grimmigheid; en Ek het hulle lewensap op die aarde laat afloop. 

Eségiël 25:12  So sê die Here HERE: Omdat Edom wraaksugtig gehandel het teen die huis van Juda en hom baie skuldig gemaak het en hom op hulle gewreek het— 13  daarom, so sê die Here HERE: Ek sal my hand uitstrek teen Edom en daaruit mens en dier uitroei; en Ek sal dit ‘n puinhoop maak van Teman af, en tot by Dedan sal hulle deur die swaard val. 14  En Ek sal my wraak op Edom in die hand van my volk Israel gee, en hulle sal met Edom handel volgens my toorn en my grimmigheid; so sal hulle dan my wraak gewaar word, spreek die Here HERE. 

Jesaja 35:3  Versterk die slap hande en maak die struikelende knieë vas. 4  Sê aan die wat vervaard is van hart: Wees sterk, wees nie bevrees nie! Kyk, julle God kom met wraak, met goddelike vergelding; Hy self sal kom en julle verlos. 5  Dan sal die oë van die blindes geopen en die ore van die dowes ontsluit word. 6  Dan sal die lamme spring soos ‘n takbok, en die tong van die stomme sal jubel; want in die woestyn breek waters uit en strome in die wildernis. 7  En die gloeiende grond sal ‘n waterplas word, en die dorsland fonteine van water; in die plek van die jakkalse waar hulle gelê en rus het, is gras met riete en biesies. 8  En dáár sal ‘n grootpad wees en ‘n weg wat die heilige weg genoem sal word; geen onreine sal daarop voorttrek nie, maar vir húlle sal dit wees; wie die weg bewandel—selfs die dwase sal nie dwaal nie. 9  Dáár sal geen leeu wees nie, en geen verskeurende dier sal daarop kom of daar aangetref word nie; maar die verlostes sal daarop wandel; 10  en die losgekooptes van die HERE sal teruggaan en na Sion kom met gejubel, en ewige vreugde sal op hulle hoof wees; vreugde en blydskap sal hulle verkry, maar kommer en gesug vlug weg. 

Jesaja 59:14  So word dan die reg teruggedring en die geregtigheid bly staan van ver; want die waarheid struikel op die mark, en wat reg is, kan nie binnekom nie. 15  Ja, die waarheid word vermis; en wie afwyk van die kwaad, word geplunder. Toe het die HERE dit gesien, en dit was verkeerd in sy oë dat daar geen reg was nie. 16  En Hy het gesien dat daar niemand was nie en Hom verbaas dat niemand tussenbei tree nie; daarom het sy arm Hom gehelp en sy geregtigheid het Hom ondersteun. 17  En Hy het geregtigheid aangetrek soos ‘n pantser, en die helm van heil was op sy hoof; en die klere van wraak het Hy aangetrek as kleding en Hom gewikkel in die ywer soos in ‘n mantel. 18  Volgens die dade, daarmee ooreenkomstig sal Hy vergelde: grimmigheid aan sy teëstanders, vergelding aan sy vyande; aan die eilande sal Hy die loon vergelde. 19  En hulle sal die Naam van die Here vrees van die westekant af, en sy heerlikheid van die opgang van die son af; want Hy sal kom soos ‘n saamgeperste stroom wat die asem van die HERE aandrywe. 20  Maar vir Sion kom Hy as Verlosser en vir die wat in Jakob hulle bekeer van oortreding, spreek die HERE. 

2 Thessalonicense 1: 5  ‘n teken van die regverdige oordeel van God, dat julle die koninkryk van God waardig geag mag word, waarvoor julle ook ly; 6  aangesien dit reg is by God om aan die wat julle verdruk, verdrukking te vergelde, 7  en aan julle wat verdruk word, verligting te gee saam met ons in die openbaring van die Here Jesus uit die hemel met sy magtige engele 8  in vuur en vlam, wanneer Hy wraak uitoefen op die wat God nie ken nie en op die wat aan die evangelie van onse Here Jesus nie gehoorsaam is nie. 9  Hulle sal as straf ondergaan ‘n ewige verderf, weg van die aangesig van die Here en van die heerlikheid van sy sterkte, 10  wanneer Hy kom om verheerlik te word in sy heiliges en bewonder te word in almal wat glo, in daardie dag; want ons getuienis het by julle geloof gevind. 

DAAR STAAN ÓÓK GESKRYWE