Preke

Is dit nou die einde van die Boervolk? (2025)

Apr 13, 2025 | Preke, Reekse

Banie Swanepoel: Die blankes in Suid Afrika, en veral die Afrikaner blankes, is nie welkom in hulle eie land nie, maar word deur die ander rasse gehaat en dit word openlik gesê.

Is dit nou die einde van die Boervolk (04-2025)PDF

001 – Is dit nou die einde van die Boervolk? (13-04-2025)

Die blankes in Suid Afrika, en veral die Afrikaner blankes, is nie welkom in hulle eie land nie, maar word deur die ander rasse gehaat en dit word openlik gesê.

Die amptelike regering verklaar dat grond by die blankes weggeneem moet word om aan “ons” mense gegee moet word. Die blankes is dus nie deel van die sogenaamde “ons” mense nie, maar word na 400 jaar nog beskou as kolonikuste. Hoewel die swart nasies in Afrika geen geskiedenis kan ophaal nie, is hulle bewering dat alle grond in Afrika aan hulle behoort, omdat hulle nog altyd in Afrika is.

Byeenkomste, met meer as 50 000 deelnemers, sing liedere wat die menigtes aanhits om die Boere te skiet en daarom is plaasmoorde al normaal in Suid Afrika. Hierdie liedere wat die moord op die blanke aanhits, was in die hof verdedig, maar die hof het beslis dat dit gedoen mag word.

Daar is meer as 120 amptelike landswette wat openlik diskrimineer teen die blankes van Suid Afrika en nog strenger wette word beplan. Grondonteiening sonder vergoeding word gemik teen die blankes wat nog op plase bly, om hulle grond ook weg te neem. Nadat Amerika hierdie gebeure aan die wêreld bekend gemaak het, word die blanke in Suid Afrika nog meer gehaat deur die res van die inwoners in Suid Afrika.

In 1994 het die blanke regering van Suid Afrika ‘n eerste wêreld land oorhandig aan ‘n swart regering wat dit net geplunder en vernietig het vir eie belang, sodat daar vandag net ‘n leë dop oor is. Energie- en watervoorsiening hang aan ‘n draadjie en dit is vir die swart regering geen abnormaliteit nie, omdat hulle geen sin vir verantwoordelikheid het nie. Paaie en ander vervoer is ook op hul einde. Die weermag bestaan nie meer nie en ons het ‘n lugmag sonder vliegtuie.

Wanneer die blankes hierdie vernietiging van instansies waarneem, probeer hulle hul eie inisiatief gebruik om alternatiewe te skep soos skole, universiteite en selfs dorpe, maar omdat dit dan die ander inwoners van die land tot skande is, wil hulle dit met alle mag vernietig.

Hoe het ons tot in hierdie toestand gekom?

Omdat ons as blankes geïndoktrineer en gebreinspoel was, reeds in die tagtiger jare, naamlik deur te verklaar dat alle rasse dieselfde is, is ons as blankes nou verbaas oor wat nou in die land gebeur, maar die swart rasse wat die land moet bestuur vind geen fout met dit wat gebeur nie, vir hulle is dit normaal. Ons as blankes se verwagting is nog steeds dat hulle op ‘n stadium moet agterkom hoe die lewe werk en waarmee hulle besig is en dan verander en dan die land regruk en reg bestuur, maar hulle kan nie, hulle het nie die vermoë nie. Hulle is anders as ons en ons is nie dieselfde as hulle nie.

Hierdie feit het homself oor die laaste 30 jaar openbaar en tog kan meeste mense dit nog nie sien nie. Nêrens in Afrika het dit anders gewerk nie en hier sal dit ook nie gebeur nie. Ons as blankes wat nie in armoede wil bly nie, werk elke dag lang ure om dit te voorkom, maar die swart ras gee nie om om in armoede te bly nie, want dit is vir hulle normaal. As daar nie elektriese krag is nie, gebruik hulle net ‘n kers. As daar ‘n sinkgat in die pad is, maak hulle net die pad toe. As daar nie genoeg geld vir die regering is om die land te bestuur nie, maak hulle net die belasting meer.

Net soos wat mans en vroue nie dieselfde is nie, is rasse nie dieselfde nie, maar die liberalis probeer ons daarvan oortuig dat nie so is nie. As ons kan wakker word en die waarheid sien, sal die waarheid ons vry maak. Omdat mense gemaklik is in ‘n gemaksone, wil hulle gewoonlik nie die waarheid weet nie, want dit is ongemaklik, maar omdat omstandighede in ons land so haglik raak, is die gemaksone besig om ongemaklik te word en daarom begin al meer mense bereid word om alternatiewe waarheid te oorweeg.

Die CIA het jare gelede al ‘n eksperiment gedoen waar hulle 15 mense getoets het, maar 14 van hierdie mense was CIA-agente wat deel van die toetsers was. Aan al 15 “deelnemers” is ‘n tekening van ‘n driehoek gegee en hulle moes dan sê wat hulle sien. Al 14 die agente het eerste gesê dat dit ‘n sirkel was, hoewel dit ‘n driehoek was.

Die 15de persoon was die enigste een wat nie ingelig was nie en was dan verbaas dat almal sê dit is ‘n sirkel, hoewel dit ‘n duidelike driehoek was. Omdat almal gesê het dat dit ‘n sirkel was, het die 15de persoon nie kans gesien om met almal te verskil nie en het dan gesê dat dit ‘n sirkel is. Almal kan tog nie verkeerd wees nie, daar is seker fout met my en ek wil nie hê die mense moet dink ek is mal nie.

Bykans nooit het dit gebeur dat iemand as die uitsondering sou erken dat dit ‘n driehoek is nie, hoewel dit ‘n duidelike driehoek was. Hierdie konsep is dan deur die CIA toegepas om die massas van ander sieninge te oortuig, deur die media in te span en oor en oor te sê wat waarheid volgens hulle is, hoewel dit dan ‘n volkome leuen was.

In Suid Afrika was hierdie tegniek ook deur dieselfde CIA toegepas en meeste mense het net aanvaar wat deur die koerante, TV, skole, universiteite en veral predikante gesê was. Hierdie instansies het almal saamgespan om die blanke ras, wat altyd geweet het hulle is anders, te oortuig dat hulle dieselfde as alle ander rasse is.

Vir sesduisend jaar was apartheid normaal, anders sou daar nou al net een ras gewees het, maar met hulle metode het hulle ons almal gekondisioneer om te aanvaar dat apartheid ‘n skande is. Almal aanvaar dat apartheid verkeerd is, maar niemand weet hoekom nie. Almal aanvaar dat ons maskers moet dra vir die virus, want al die dokters en media sê so.

Daar is egter die enkeling wat hierdie indoktrinasie ‘n myl vêr sien aankom en dadelik weet dit is ‘n driehoek en dadelik sê dit is ‘n driehoek, omdat hulle nie bereid is om net te glo wat almal sê die waarheid is nie. In ons Boere Afrikaner gemeenskap is heelwat sulke mense en nog meer van hulle word wakker uit die beswyming waar in hulle geplaas was deur die Dominee en ander media.

Wat het dit te doen met ons tema? Die Bybel sê die waarheid sal ons vry maak en almal wat onder die betowering van die wêreldheersers kan uitkom, is kandidate om by die waarheid van God se Woord te kan uitkom. Dit is ‘n ongewilde pad, want jy is die een wat die driehoek sien en dan erken dat dit ‘n driehoek is. Almal wat bang is om die waarheid te erken, sal dan saam met die wat die leuens versprei spot dryf met die enkeling wat by die waarheid staan.

So wat is dan die waarheid wat ons vry sal maak?

Omdat alle rasse nie deur God dieselfde gemaak is nie, verskil hulle in hoe hulle lyk en ook in hulle optrede en opvattinge wat nie kan en sal verander nie. God voel ook nie dieselfde oor al die rasse nie en hoewel die Bybel duidelik daaroor is, verander die predikante die Bybel om dit te verberg.

God het ‘n geslag uitverkies en met hulle ‘n verbond gemaak. Die implikasie is dat Hy nie met die ander geslagte op die aarde ‘n verbond gemaak het nie. Die indoktrinasie-masjien se boodskap verklaar dat almal voor God dieselfde en gelyk is, maar God verklaar dat almal nie voor Hom dieselfde is nie.

Exodus 11:7 Maar teen geeneen van die kinders van Israel sal ‘n hond sy tong verroer nie, van die mense af tot die diere toe, dat julle kan weet dat die HERE ‘n onderskeid maak tussen die Egiptenaars en die Israeliete.

God het met ‘n sekere geslag ‘n verbond (die eerste verbond) gemaak en toe Hy die tweede verbond maak, toe maak Hy dit weer met dieselfde mense.

Hebreërs 8:8 Want Hy berispe hulle en sê: Kyk, daar kom dae, spreek die Here, dat Ek met die huis van Israel en die huis van Juda ‘n nuwe verbond tot stand sal bring,

Die eerste persone met wie God hierdie verbond gemaak het, was met Abraham, sy seun Isak en die se seun Jakob. God maak met húlle ‘n verbond en sê dat Hy húlle God sal wees en húlle en húlle nageslag sal sy volk wees. Húlle kan Hom aanroep in ‘n tyd van benoudheid en Hy sal húlle uitred. So het Hy met geen ander nasie gedoen nie.

Levítikus 26:12 En Ek sal in jul midde wandel en vir julle ‘n God wees, en júlle sal vir My ‘n volk wees.

(Aan die ander nasies: Ek sal nie in júl midde wandel nie en nie vir júlle ‘n God wees nie, en júlle sal nie vir My ‘n volk wees nie.)

Die rede waarom God hierdie geslag van Abraham, Isak en Jakob uitverkies het bo al die ander nasies wat op die aarde is, is omdat Hy hulle lief het. Die implikasie is dat die nasies met wie Hy nie ‘n verbond het nie, Hy nie liefhet nie.

Deuteronómium 7:6-8 Want jy is ‘n volk heilig aan die HERE jou God; jou het die HERE jou God uitverkies om uit al die volke wat op die aarde is, sy eiendoms volk te wees. (7) Die HERE het ‘n welgevalle aan julle gehad en julle uitverkies, nie omdat julle meer was as al die ander volke nie, want julle was die geringste van al die volke. (8) Maar omdat die HERE julle liefgehad en die eed gehou het wat Hy vir julle vaders gesweer het, het die HERE julle met ‘n sterke hand uitgelei en jou uit die slawehuis, uit die hand van Farao, die koning van Egipte, verlos.

Omdat God met hierdie uitgesoekte volk ‘n liefdesverbond het, maak Hy beloftes aan hulle. Wanneer hulle in die nood is en hulle Hom roep, sal Hy hulle uitred. Hulle vyande is sy vyande en Hy sal hulle van hul vyande verlos.

Deuteronómium 33:29 Welgeluksalig is jy, o Israel! Wie is soos jy? ‘n Volk wat deur die HERE verlos is, die skild van jou hulp en wat die swaard van jou hoogheid is, sodat jou vyande julle al kruipende aan jou onderwerp; maar jy sal op hulle hoogtes stap.

Jesaja 43:1-4 Maar nou, so sê die HERE, jou Skepper, o Jakob, en jou Formeerder, o Israel: Wees nie bevrees nie, want Ek het jou verlos; Ek het jou by jou naam geroep; jy is myne! (2) As jy deur die water gaan, is Ek by jou; en deur die riviere—hulle sal jou nie oorstroom nie; as jy deur vuur gaan, sal jy jou nie skroei nie, en die vlam sal jou nie brand nie. (3) Want Ek is die HERE, jou God, die Heilige van Israel, jou Heiland; Ek het Egipte gegee as losprys vir jou, Kus en Seba in jou plek. (4) Omdat jy kostelik is in my oë, hooggeag is, en Ek jou liefhet, daarom gee Ek mense in jou plek en volke vir jou lewe.

Hierdie volk het ‘n groot voorreg om ‘n Almagtige God te hê wat al hulle vyande beskou as sy Eie vyande. Deur die eeue het Hy hulle uit al hulle benoudhede gered en tot vandag doen Hy dit nog, maar wie is hierdie volk vandag en wat het dit met die bedreigde Boere Afrikaners in Suid Afrika te doen.

Daar is ‘n groot waarheid wat vir ons weggesteek word deur die propaganda-masjien en as ons hierdie waarheid weet, sal dit ons vry maak. Die propaganda-masjien sê elke dag en heel dag op elke moontlike media dat die driehoek ‘n sirkel is en net die wat bereid is om uit te staan uit die massas, sal die waarheid kan sien.

In die jaar 1838 is die Boere Afrikaners van vandag, se voorouers in ‘n lewensgevaarlike situasie toe minder as 400 van hulle oorlog moes maak teen meer as 20 000 Zoeloes. Die Boere roep tot die God van hulle voorvaders en Hy hoor hulle stem en verlos hulle soos wat Hy nog altyd deur die eeue gedoen het. 10 000 Zoeloes sterf en nie een van die Boere nie.

God sê dat Hy die God is van net een geslag op die aarde en hier word een volk verlos, deur ‘n wonderwerk, ten koste van ‘n ander volk, en nog steeds wonder ons wie die uitverkore geslag is wie tot God kan roep en Hy hulle dan uit red.

Jesaja 43:3 Want Ek is die HERE, jou God, die Heilige van Israel, jou Heiland; Ek het Egipte gegee as losprys vir jou, Kus en Seba in jou plek.

Romeine 9:17-21 Want die Skrif sê aan Farao: Juis hiervoor het Ek jou laat optree, dat Ek in jou my krag kan toon en dat my Naam verkondig kan word op die hele aarde. (18) So is Hy dan barmhartig oor wie Hy wil en Hy verhard wie Hy wil. (19) Jy sal dan vir my sê: Waarom verwyt Hy dan nog, want wie het sy wil weerstaan? (20) Maar tog, o mens, wie is jy wat teen God antwoord? Die maaksel kan tog nie vir die maker sê: Waarom het u my so gemaak nie? (21) Of het die pottebakker nie mag oor die klei, om uit dieselfde klomp die een voorwerp tot eer en die ander tot oneer te maak nie?

Die propaganda-masjien kry dit al vir baie eeue reg om hierdie waarheid weg te hou van hierdie uitverkore geslag waarvan die Boere-Afrikaners deel is. Vandag is ons die nageslag van hierdie mense wat deur God gered was en daarom staan ons met Hom in dieselfde verhouding as hulle. As ons Hom aanroep, sal Hy ons uitred. Dit maak nie saak hoe groot die teenstanders is nie.

;’;’;’;’;’;’;’;’;’;’;’;’;’;’;’;’;

002 – Is dit nou die einde van die Boervolk? (20-04-2025)

Slegs wanneer ons weet ons het ‘n God wat met ons ‘n verbond het en Hy het nie met ons vyande ook ‘n verbond nie sal ons in staat kan wees om in Hom te kan glo en op Hom te kan vertrou. As Hy met ons vyande ook ‘n verbond het hoe sal ons op Hom kan vertrou vir verlossing, want dalk verlos Hy hulle eerder a ons ten koste van ons. Die uitkoms van hierdie gedagte in ons hart sal ons vertroue en geloof in God bepaal.

As God se volk, met wie Hy ‘n verbond het, in Hom glo en tot Hom roep om hulp sal Hy hulle uitred. As God se volk se vyande tot Hom roep vir hulp, sal Hy hulle nie uitred nie, want Hy het geen verbond met hulle nie. Sy eie volk weet dan dat hulle op Hom kan vertrou, want Hy het reeds hulle kant gekies, omdat Hy met hulle ‘n verbond het.

Die owerhede, die magte, die wêreldheersers van die duisternis van hierdie eeu en die Bose geeste in die lug weet dit en daarom is dit by hulle hoogste prioriteit dat die volk van God dit nie moet weet nie en veral nie moet weet dat hulle sy volk is en dan met Hom ‘n verbond nog ook het nie. Hulle mag nie weet dat hulle die uitverkorene uit al die volke wat op die aarde is, is nie en dat die Almagtige Skepper met hulle ‘n verbond het nie, maar hulle moet so min as moontlik weet en so gou as moontlik onder die indruk geplaas word dat alle volke voor God gelyk is en dat Hy geen onderskeid maak nie.

Jesaja 5:13 Daarom gaan my volk in ballingskap weens gebrek aan kennis, en hulle aansienlikes word hongerlyers en hulle menigte versmag van dors.

Hoséa 4:6 My volk gaan te gronde weens gebrek aan kennis; omdat jy die kennis verwerp het, sal Ek jou verwerp,

Die propaganda-masjien het ‘n paar wapens om die ware Israeliete weg van die verbond wat hulle met die Allerhoogste het, te hou.

Hulle weet niks van die verbond en die uitverkiesing af nie. Hou hulle besig met ander onderwerpe.
Hulle word geleer dat die Nuwe Verbond met die kerk gemaak is en dat die kerk die bruid van Yahshua is
As hulle nuuskierig raak oor die uitverkiesing, word hulle geleer dat die Jode die uitverkore volk van God is, hoewel die Bybel sê dat hulle wat sê dat hulle Jode is, lieg, maar is in werklikheid ‘n sinagoge van die Satan is.

Openbaring 2:9 Ek ken jou werke en verdrukking en armoede maar jy is ryk en die lastering van die wat sê dat hulle Jode is en dit nie is nie, maar ‘n sinagoge van die Satan.

Openbaring 3:9 Kyk, Ek gee jou uit die sinagoge van die Satan, van die wat sê dat hulle Jode is en dit nie is nie, maar lieg Ek sal maak dat hulle kom en voor jou voete neerbuig en erken dat Ek jou liefgehad het.

Omdat God met die Israeliete ‘n verbond gehad het, kon hulle Hom aanroep in Egipte en Hy het hulle verhoor. Nie omdat hulle beter en groter as die ander volke was nie (hulle was die geringste), maar omdat Hy hulle lief gehad het en ‘n verbond met hulle gehad het.

Slegs wanneer ons kan ontsnap uit die leuen wat ons gevange hou in die kerker, sal ons in staat wees om in ons God te kan glo. Omdat die propaganda-masjien (deur die preekstoel) vir ons leer dat God verbonde maak en dit dan weer kanselleer en ‘n eed sweer en dit dan later weer laat vaar, veroorsaak dit dat ons vertroue in God verloor, omdat Hy nie getrou aan sy Woord is nie en dan is dit vir ons onmoontlik om in Hom te kan glo. As ons nie in Hom glo nie, sal ons Hom nie vertrou vir ons verlossing nie en sal dan op ons eie vermoë probeer staatmaak.

Jeremia 33:24 Het jy nie gemerk wat hierdie volk spreek nie as hulle sê: Die twee geslagte wat die HERE uitverkies het, dié het Hy verwerp? En hulle verag my volk, sodat dit geen nasie voor hulle meer is nie.

As ‘n vriend jou belowe om jou te kom help trek en hy daag nie op nie en later sê hy dat iets anders voorgeval het, sal jy vanselfsprekend volgende keer twyfel of hy gaan opdaag. As Hy weer nie opdaag nie, sal jy moeilik in hom kan glo, want sy woord is nie veel werd nie. As God beloftes maak en nie daarby hou nie, hoe sal ons in enige van sy beloftes kan glo?

Génesis 17:7-8 En Ek sal my verbond oprig tussen My en jou en jou nageslag ná jou in hulle geslagte as ‘n ewige verbond, om vir jou ‘n God te wees en vir jou nageslag ná jou. (8) En Ek sal aan jou en jou nageslag ná jou die land van jou vreemdelingskap gee, die hele land Kanaän, as ‘n ewige besitting; en Ek sal vir hulle ‘n God wees.

Exodus 2:23-25 En in daardie lang tyd het die koning van Egipte gesterwe. En die kinders van Israel het gesug en geweeklaag vanweë die slawerny. En hulle geroep om hulp oor hulle slawerny het opgeklim tot God. (24) En God het hulle gekerm gehoor, en God het gedink aan sy verbond met Abraham, met Isak en met Jakob. (25) En God het die kinders van Israel aangesien, en God het hulle geken.

As God met ‘n eed aan Abraham belowe dat Hy vir hom en sy nageslag tot in ewigheid ‘n God sal wees, maar later laat vaar Hy die verbond en maak ‘n soortgelyke verbond met die kerk, is God se Woord dan betroubaar? Kan ons Hom glo as Hy belowe om ons te red wanneer ons deur ‘n dal van doodskaduwee gaan, of wanneer Hy sê Hy sal ons siel red van die hel? Hoe kan ons Hom dan vir die een belofte glo, maar Hy is onbetroubaar vir die ander?

Dawid was totaal oortuig dat hy die reus gaan verslaan omdat hy heeltemal bewus was van sy verbond met God. Hy het ook ‘n vaste vertroue gehad dat God getrou sal wees aan sy verbond, en dit is die definisie van geloof.

1 Samuel 17:26 Daarop het Dawid die manne wat by hom staan, gevra en gesê: Wat sal met die man gebeur wat hierdie Filistyn verslaan en die smaad van Israel wegneem? Want wie is hierdie onbesnede Filistyn, dat hy die slagordes van die lewende God durf uitdaag?

1 Samuel 17:36 U dienaar het die leeu sowel as die beer doodgeslaan, en met hierdie onbesnede Filistyn sal dit gaan net soos met een van hulle, omdat hy die slagordes van die lewende God uitgedaag het.

Dawid het ‘n verbond met die Almagtige gehad en die Filistyn het nie en daarom was die uitkoms van hierdie geveg vir Dawid geen verborgenheid nie. Dawid was heeltemal bewus daarvan dat hy ‘n seun is en dat die reus ‘n geoefende soldaat was. Verder het Dawid net ‘n slingervel gehad, waar die reus ‘n wapenrusting gehad het. Vir die normale menslike oog was Dawid op pad na ‘n gewisse dood, maar vir Dawid was hy op pad na ‘n ongetwyfelde oorwinning.

1 Samuel 17:43-51 En die Filistyn vra vir Dawid: Is ek ‘n hond dat jy met stokke na my toe kom? En die Filistyn het Dawid vervloek by sy gode. (44) Verder sê die Filistyn vir Dawid: Kom na my toe, dat ek jou vlees aan die voëls van die hemel en die diere van die veld kan gee. (45) Maar Dawid sê vir die Filistyn: Jy kom na my met ‘n swaard en met ‘n spies en met ‘n lans, maar ek kom na jou in die Naam van die HERE van die leërskare, die God van die slagordes van Israel, wat jy uitgedaag het. (46) Vandag sal die HERE jou in my hand oorlewer, dat ek jou kan verslaan en jou hoof van jou wegneem, en die lyke van die leër van die Filistyne vandag aan die voëls van die hemel en die wilde diere van die aarde kan gee, sodat die hele aarde kan weet dat Israel ‘n God het. (47) Dan sal hierdie hele menigte moet erken dat die HERE nie deur swaard en deur spies verlos nie; want die stryd behoort aan die HERE, en Hy sal julle in ons hand gee. (48) Toe die Filistyn hom dan klaarmaak en aldeur nader kom om Dawid te ontmoet, loop Dawid gou na die vegterrein om die Filistyn te ontmoet; (49) en Dawid steek sy hand in die tas en neem ‘n klip daaruit en slinger, en hy tref die Filistyn in sy voorhoof, sodat die klip in sy voorhoof indring en hy op sy gesig teen die grond val. (50) So het Dawid dan die Filistyn oorweldig met ‘n slinger en ‘n klip. En hy het die Filistyn verslaan en hom gedood alhoewel daar geen swaard in Dawid se hand was nie. (51) Daarop het Dawid gehardloop en by die Filistyn gaan staan en sy swaard geneem, dit uit sy skede getrek en hom van kant gemaak, en hy het daarmee sy hoof afgekap. Toe die Filistyne sien dat hulle held dood was, het hulle gevlug.

As gevolg van die verbond is God self betrokke by die geveg en gee Hy die oorwinning. Dit maak nie saak hoe klein Dawid is en hoe groot is die reus nie, die oorwinning is baie maklik vir YHWH.

Psalm 33:16-22 ‘n Koning word nie verlos deur ‘n groot leër, ‘n held nie gered deur groot krag nie. (17) Die perd help niks vir die oorwinning en red nie deur sy groot krag nie. (18) Kyk, die oog van die HERE is op die wat Hom vrees, op die wat op sy goedertierenheid wag; (19) om hulle siel te red van die dood en hulle in die lewe te hou in hongersnood. (20) Ons siel wag op die HERE; Hy is ons hulp en ons skild; (21) want ons hart is bly in Hom, omdat ons op sy heilige Naam vertrou. (22) Laat u goedertierenheid, HERE, oor ons wees net soos ons op U wag!

Gideon vat ‘n hele weermag om die Midianiete te verslaan, maar God bewys dat getalle niks beteken nie en dat dit glad nie die uitkoms bepaal nie, soos met die slag van Bloedrivier.

Rigters 7:2-4 Toe sê die HERE vir Gídeon: Die manskappe by jou is te veel vir My om die Midianiete in hulle hand te gee; anders kan Israel hom teen My beroem deur te sê: My eie hand het my verlos. (3) Roep dan nou tog uit voor die ore van die manskappe en sê: Die wat bang is en bewe, kan teruggaan en wegdraai van die gebergte van Gílead af. Toe het daar van die manskappe twee en twintig duisend omgedraai, en tien duisend het oorgebly. (4) Daarop sê die HERE vir Gídeon: Die manskappe is nog te veel; bring hulle af na die water, dan sal Ek hulle daar vir jou uitsoek; en van wie Ek aan jou sê: Hierdie een mag met jou saamgaan—dié mag met jou saamgaan

Rigters 7:7 Toe sê die HERE vir Gídeon: Deur die drie honderd man wat gelek het, sal Ek julle verlos en die Midianiete in jou hand gee; maar al die ander manskappe kan elkeen na sy woonplek gaan.

Rigters 7:22 En toe die drie honderd op die ramshorings blaas, het die HERE die swaard van die een teen die ander gerig, ja, in die hele laer; en die laer het gevlug na Bet-Sitta, na Seréda toe, tot by die oewer van Abel-Mehóla by Tabbat.

Sodra ons vry kan kom van die leuen wat ons gevange hou, sal ons in staat wees om die waarheid te glo. Dit wat ons van die waarheid weghou, is die potensiële skande wat ons mag oorkom. Sodra ons die waarheid glo, deur in ons God te glo, sal niemand teen ons kan staan nie en sal Hy ons van ons vyande verlos. Dit is nie die einde van die Boere-Afrikaners nie, want ons het ‘n God en ons het ‘n verbond met Hom.

Net Dawid het in God geglo en al die ander Israeliete het gebewe vir die reus, maar God het net een persoon nodig wat in Hom glo en dit kan enige een van ons wees. As almal Baäl wil volg en jy is die enigste een wat YHWH volg, laat dit so wees. Al die bewoners van die aarde sal die Draak aanbid, behalwe hulle wat die waarheid liefhet en die waarheid soek. Hulle alleen sal God vind, want God is waarheid.

Is die verbond waarlik op ons ook van toepassing?

Deuteronómium 4:25-31 As jy kinders en kindskinders sal verwek en julle in die land verouderd sal wees en verderflik handel deurdat julle ‘n gesnede beeld maak, ‘n gelykenis van enigiets, en doen u wat verkeerd is in die oë van die HERE jou God om Hom te terg, (26) dan neem ek vandag die hemel en die aarde as getuies teen julle dat julle sekerlik gou uit die land sal vergaan waarheen julle oor die Jordaan trek om dit in besit te neem; julle sal die dae daarin nie verleng nie, maar sekerlik verdelg word. (27) En die HERE sal julle onder die volke verstrooi, en ‘n klein klompie van julle sal onder die nasies oorbly waarheen die HERE julle sal drywe. (28) En daar sal julle gode dien, die werk van mensehande, hout en klip wat nie sien en nie hoor en nie eet en nie ruik nie. (29) Dan sal julle daarvandaan die HERE jou God soek en vind as jy Hom met jou hele hart en jou hele siel soek. (30) As jy in die nood is en al hierdie dinge aan die einde van die dae oor jou kom, sal jy na die HERE jou God terugkeer en na sy stem luister. (31) Want die HERE jou God is ‘n barmhartige God; Hy sal jou nie verlaat en jou nie in die verderf stort nie; en Hy sal die verbond van jou vaders wat Hy hulle besweer het, nie vergeet nie.

Die keuse is elkeen van ons se eie. As ons bly glo in ‘n wêreldse God wat die God van ons en ons vyande is, sal ons nooit geloof in Hom kan hê om ons van ons vyande te verlos nie. As ons egter weet dat Hy ons God is en ons vyande is sy vyande, soos die reus was, dan sal Hy ons verlos van al ons vyande as ons Hom aanroep, want ons het ‘n verbond met Hom.

As my verhouding met die wêreld egter vir my belangriker is as my geloof in God, sal ek glo wat die propaganda-masjien (deur die preekstoel) vir my leer en hoewel ek dan by hulle gewild sal wees, sal ek nie die vermoë hê om in God te kan glo nie.

Filippense 2:12 Daarom, my geliefdes, soos julle altyd gehoorsaam gewees het, nie in my teenwoordigheid alleen nie, maar baie meer nou in my afwesigheid, werk julle eie heil uit met vrees en bewing;

Joshua 24:14-15 Vrees dan nou die HERE en dien Hom in opregtheid en waarheid, en verwyder die gode wat julle vaders gedien het oorkant die Eufraat en in Egipte, en dien die HERE. (15) Maar as dit verkeerd is in julle oë om die HERE te dien, kies dan vir julle vandag wie julle wil dien: òf die gode wat julle vaders daar oorkant die Eufraat gedien het, òf die gode van die Amoriete in wie se land julle woon; maar ek en my huis, ons sal die HERE dien.

DAAR STAAN ÓÓK GESKRYWE

Drie enige GOD (2025)

Mar 30, 2025 | Preke, Reekse

Banie Swanepoel:

Drie enige God (30-03-2025)PDF

001 – Drie enige God (2025)

Drie enige God is nie ‘n term wat uit die Bybel uit kom nie en daarom moet ons versigtig wees watter betekenis ons daaraan heg, omdat elke mens se definisie daarvan sal verskil. Volgens die algemene aanvaarde verklaring, beteken dit dat God drie persone is, maar tog net een God.

Die drie persoonlikhede is die persoon van die Vader en van die Seun en van die Heilige Gees, maar tog is daar nie drie Gode nie. Ons as mens kan ook drie persoonlikhede aanneem; pa van my kinders, man vir my vrou en onderwyser by die skool, maar ons kan dit nie gelyktydig doen nie.

Net soos ons meer as drie persoonlikhede kan aanneem, kan God ook. So, dit is gevaarlik om Hom te definieër as ‘n “drie enige God”, want dalk is Hy vier of dalk is Hy honderd.

Die Romeinse Kerk het die “drie” ongelukkig oorbeklemtoon en die gevolg is dat mense verward raak en dink dat daar dalk drie gode is wat tog net een God is.

Hoewel Hy reeds in die tyd van die Ou Verbond gemanifesteer het in drie persone, sien hulle Hom eers in die tyd van Yahshua as drie.

Daar is net een God, maar Hy kan as meer as een persoon gelyktydig manifesteer. Ons as mens kan dit glad nie doen nie en daarom dink ons dat God dit ook nie kan doen nie, maar Hy is God vir wie niks onmoontlik is nie en ons is die mens wat deur Hom geskape is sonder so ‘n vermoë.

Die Engel van God verskyn telkens aan mense gedurende die tyd van die Ou Verbond, maar dit is nie ‘n afgevaardigde engel van God af nie, maar God self in die vorm van ‘n Engel. Terwyl Hy dan as Engel op die aarde is, is Hy ook nog Alomteenwoordige en Almagtige God van al die hemele.

Rigters 2:1 Toe trek die Engel van die HERE van Gilgal op na Bogim en sê: Ek het julle uit Egipte laat optrek en julle gebring in die land wat Ek julle vaders met ‘n eed beloof het, en gesê: Ek sal my verbond met julle in ewigheid nie verbreek nie;
Rigters 13:17-22 Daarop vra Manóag die Engel van die HERE: Wat is u naam, dat ons U kan vereer as u woord uitkom? (18) En die Engel van die HERE sê vir hom: Waarom vra jy dan na my naam terwyl hy wonderbaar is? (19) Toe neem Manóag die bokkie en die spysoffer en offer dit op die rots aan die HERE terwyl Hy wonderbaarlik handel voor die oë van Manóag en sy vrou: (20) toe die vlam van die altaar opstyg na bo, het die Engel van die HERE in die vlam van die altaar opgevaar; en Manóag en sy vrou het dit gesien en met hulle aangesig op die grond geval. (21) En die Engel van die HERE het verder nie meer aan Manóag en sy vrou verskyn nie. Daarop bemerk Manóag dat dit die Engel van die HERE was. (22) En Manóag sê vir sy vrou: Ons sal sekerlik sterwe, omdat ons God gesien het.
Maleági 3:1 Kyk, Ek stuur my boodskapper wat die weg voor My uit sal baan; dan sal skielik na sy tempel kom die Here na wie julle soek, naamlik die Engel van die verbond, na wie julle ‘n begeerte het. Kyk, Hy kom, sê die HERE van die leërskare.

Die Engel van YHWH is Yahshua, want Hy is die Engel van die Verbond. Yahshua is dus die Engel van YHWH en die Engel van YHWH is YHWH self.

Wanneer daar ‘n sekere taak is wat die Alomteenwoordige God in ‘n sienlike gedaante wil doen, sodat die mense Hom kan sien, neem Hy ‘n sienlike liggaam aan van ‘n engel, maar toe Hy die Engel van die Verbond was, het Hy die liggaam van ‘n mens aangeneem. Net soos wat Hy tegelyk alomteenwoordig kan wees terwyl Hy ook die Engel van YHWH is, net so kan Hy ook te gelyke tyd in die liggaam van ‘n mens wees, maar nog steeds alomteenwoordig.

Die rede waarom Hy die liggaam van ‘n mens aangeneem het, verduidelik vir ons waarom Hy mens geword het en nie as Engel van YHWH gekom het nie.

Hebreërs 10:5-7 Daarom sê Hy, as Hy in die wêreld inkom: Slagoffer en spysoffer wou U nie hê nie, maar U het vir My ‘n liggaam berei. (6) Brandoffers en sondoffers het U nie behaag nie. (7) Toe het Ek gesê: Kyk, Ek kom—in die boekrol is dit van My geskrywe—om u wil te doen, o God.

Hy moes ‘n menslike liggaam hê om die sondes van hulle, wat ook menslike liggame het, op sy menslike liggaam te kon neem.
Hy moes in alle opsigte aan hulle gelyk wees om ‘n regverdige alternatief vir die straf te kon wees.
Hy moes, soos hulle, ‘n vleeslike liggaam hê wat van nature geneig is tot die sonde, sodat dit geregverdig sal wees dat Hy in hulle plek kon sterf.
In die liggaam van ‘n Engel van God sou Hy nie kon sterf nie en daarom moes Hy ook ‘n sterflike liggaam hê met ‘n sterflike liggaam se vernederde eienskappe.

Hebreërs 2:17-18 Daarom moes Hy in alle opsigte aan sy broeders gelyk word, sodat Hy ‘n barmhartige en getroue hoëpriester kon wees in die dinge wat in betrekking tot God staan, om die sondes van die volk te versoen. (18) Want deurdat Hy self onder versoeking gely het, kan Hy dié help wat versoek word.

Omdat Hy in alle opsigte aan ons as mens gelyk moes wees voordat Hy ons hoëpriester kon word, moes Hy verander van die Almagtige Alomteenwoordige God na ‘n vernederde, verlaagde God, maar ter selfde tyd nog steeds die Alomteenwoordige instandhouer van alle dinge.

Hebreërs 2:9 maar ons sien Hom, naamlik Jesus, wat vir ‘n kort tydjie minder as die engele gemaak is, vanweë die lyde van die dood met heerlikheid en eer gekroon, sodat Hy deur die genade van God vir elkeen die dood sou smaak.

Omdat ons minder as die engele is, moes Hy minder as die engele word sodat Hy ook soos ‘n mens kan sterf. Hy moes ook eet, want Hy het honger geword en sou soos ons kon sterf van honger, al was Hy God. Hy het ook gerus, want Hy het moeg geword, net soos ons. Hy het ook benoud geword, net soos ons, en Hy het ook tot Vader gebid, net soos ons. Hy was ook versoek en kon kies om die sonde doen, net soos ons. Hy het egter niks sonde gedoen nie, sodat Hy sondeloos kon sterf en dan ons sonde op Hom kon neem.

Omdat Hy die vermoë het om dieselfde tyd Vader en Seun te wees, maar ons dit nie kan glo nie, want ons verstaan dit nie, verander ons die Bybel om by ons ongeloof aan te pas. Geloof beteken juis om God soos ‘n kind te glo, al verstaan ons nie.

Jesaja 55:8-9 Want my gedagtes is nie julle gedagtes nie, en julle weë is nie my weë nie, spreek die HERE. (9) Want soos die hemel hoër is as die aarde, so is my weë hoër as julle weë en my gedagtes as julle gedagtes.

God stel homself voor aan ons met die uitdruklike begrip dat Hy die enigste God is en dat sy Seun nie nog ‘n God is nie.

Jesaja 44:6 So sê die HERE, die Koning van Israel en sy Losser, die HERE van die leërskare: Ek is die Eerste, en Ek is die Laaste, en buiten My is daar geen God nie.
Jesaja 45:5-9 Ek is die HERE, en daar is geen ander nie; buiten My is daar geen God nie; Ek omgord jou, hoewel jy My nie geken het nie, (6) sodat hulle kan weet van die opgang van die son en van sy ondergang af dat daar buiten My geeneen is nie; Ek is die HERE, en daar is geen ander nie; (7) wat die lig formeer en die duisternis skep, die heil bewerk en die onheil skep: Ek, die HERE, is dit wat al hierdie dinge doen. (8) Laat dit drup, o hemele, van bo af, en laat die wolke vloei van geregtigheid; laat die aarde oopgaan, en laat heil voortkom en geregtigheid; laat hulle saam uitspruit. Ek, die HERE, het dit geskape. (9) Wee hom wat met sy Formeerder twis—’n potskerf by erdepotskerwe! Sal dan die klei sê aan die wat dit vorm: Wat maak jy? Of jou werk sê: Hy het geen hande nie!
Hoséa 13:4 Tog was Ek, die HERE, jou God van Egipteland af, en buiten My het jy geen God geken nie, ja, behalwe My is daar geen Heiland nie.

Sy Naam is nie meervoud nie, maar enkelvoud.

Exodus 3:14 En God sê vir Moses: EK IS WAT EK IS. Ook sê Hy: So moet jy die kinders van Israel antwoord: EK IS het my na julle gestuur.

Omdat al hierdie Skrif dui op net een God, meen sommige mense dat Yahshua dan nie God kan wees nie, maar dat Hy net die Seun van die Vader is wat namens ons kom sterf het, Hy is net ons oudste Broer.

Yahshua is die Skepper, en God is die Skepper, so Yahshua is dan God:

Johannes 1:1-10 In die begin was die Woord, en die Woord was by God, en die Woord was God. (2) Hy was in die begin by God. (3) Alle dinge het deur Hom ontstaan, en sonder Hom het nie een ding ontstaan wat ontstaan het nie. (4) In Hom was lewe, en die lewe was die lig van die mense. (5) En die lig skyn in die duisternis, en die duisternis het dit nie oorweldig nie. (6) Daar was ‘n man van God gestuur, wie se naam Johannes was. (7) Hy het tot ‘n getuienis gekom om van die lig te getuig, sodat almal deur hom sou glo. (8) Hy was nie die lig nie, maar hy moes van die lig getuig. (9) Die waaragtige lig wat elke mens verlig, was aan kom in die wêreld. (10) Hy was in die wêreld, en die wêreld het deur Hom ontstaan, en die wêreld het Hom nie geken nie.
Gén 1:1 In die begin het God die hemel en die aarde geskape.

Yahshua is die Vader en die Vader is Yahshua:

Jesaja 9:5 Want ‘n Kind is vir ons gebore, ‘n Seun is aan ons gegee; en die heerskappy is op sy skouer, en Hy word genoem: Wonderbaar, Raadsman, Sterke God, Ewige Vader, Vredevors—

Ons soek Yahshua maar ons vind Hom nie omdat ons Hom nie soek vir wie Hy is nie, maar vir wie ons wil hê Hy moet wees. Ons wil hê Hy moet wees soos ons Hom verstaan en hoe Hy aan ons oorgelewer was, maar Hy is wat Hy is en ons moet Hom soek vir wie Hy is.

Johannes 14:7-11 As julle My geken het, sou julle my Vader ook geken het, en van nou af ken julle Hom en het julle Hom gesien. (8) Filippus sê vir Hom: Here, toon ons die Vader, en dit is vir ons genoeg. (9) Jesus sê vir hom: Ek is so lankal by julle, en het jy My nie geken nie, Filippus? Hy wat My gesien het, het die Vader gesien. En hoe sê jy: Toon ons die Vader? (10) Glo jy nie dat Ek in die Vader is en die Vader in My nie? Die woorde wat Ek tot julle spreek, spreek Ek nie uit Myself nie; maar die Vader wat in My bly, Hy doen die werke. (11) Glo My dat Ek in die Vader is, en die Vader in My; of anders, glo My ter wille van die werke self.

;’;’;’;-;’;’;’;-;’;’;’;-;’;’;’;-;’;’;’;-;’;’;’;

002 – Drie enige God – Die Heilige Gees (06-04-2025)

Die Heilige Gees is ook nie ‘n derde God wat een is nie, maar daar is net een Gees en dit is God self. God is die Gees en Hy gee aan ons sy eie Gees en nie ‘n ander God as Gees nie.

Johannes 4:23-24 Maar daar kom ‘n uur, en dit is nou, wanneer die ware aanbidders die Vader in gees en waarheid sal aanbid; want die Vader soek ook mense wat Hom só aanbid. (24) God is Gees; en die wat Hom aanbid, moet in gees en waarheid aanbid.

Génesis 1:2 En die aarde was woes en leeg, en duisternis was op die wêreldvloed, en die Gees van God het gesweef op die waters.

Matthéüs 3:16 En nadat Jesus gedoop was, het Hy dadelik uit die water opgeklim, en meteens gaan die hemele vir Hom oop, en Hy sien die Gees van God soos ‘n duif neerdaal en op Hom kom.

Matthéüs 12:28 Maar as Ek deur die Gees van God die duiwels uitdryf, dan het die koninkryk van God by julle gekom.

Romeine 8:9 julle is egter nie in die vlees nie, maar in die Gees, as naamlik die Gees van God in julle woon. Maar as iemand die Gees van Christus nie het nie, dié behoort nie aan Hom nie.

1 Korinthiërs 3:16 Weet julle nie dat julle ‘n tempel van God is en die Gees van God in julle woon nie?

Johannes 14:16-18 En Ek sal die Vader bid, en Hy sal julle ‘n ander Trooster gee om by julle te bly tot in ewigheid: (17) die Gees van die waarheid wat die wêreld nie kan ontvang nie, omdat dit Hom nie sien en Hom nie ken nie; maar julle ken Hom, omdat Hy by julle bly en in julle sal wees. (18) Ek sal julle nie as wese agterlaat nie; Ek kom weer na julle toe.

Handelinge 2:1-4 En toe die dag van die pinksterfees aangebreek het, was hulle almal eendragtig bymekaar. (2) En daar kom skielik uit die hemel ‘n geluid soos van ‘n geweldige rukwind, en dit het die hele huis gevul waar hulle gesit het. (3) Toe is deur hulle tonge gesien soos van vuur, wat hulleself verdeel en op elkeen van hulle gaan sit. (4) En hulle is almal vervul met die Heilige Gees en het begin spreek in ander tale, soos die Gees aan hulle gegee het om uit te spreek.

Watter terminologie ons gebruik is nie belangrik nie, maar om God te ken vir wie Hy is, is belangrik. Om in dogmatiese argumente te verval is dood en tot geen nut vir ons siel nie, maar dodelik vir ons siel.

Filippense 3:5-10 Ek is besny op die agtste dag, uit die geslag van Israel, uit die stam van Benjamin, ‘n Hebreër uit die Hebreërs; wat die wet betref, ‘n Fariseër; (6) wat ywer betref, ‘n vervolger van die gemeente; wat die geregtigheid in die wet betref, onberispelik. (7) Maar wat vir my wins was, dit het ek om Christus wil skade geag. (8) Ja waarlik, ek ag ook alles skade om die uitnemendheid van die kennis van Christus Jesus, my Here, ter wille van wie ek alles prysgegee het en as drek beskou, om Christus as wins te verkry (9) en in Hom gevind te word, nie met my geregtigheid wat uit die wet is nie, maar met dié wat deur die geloof in Christus is, die geregtigheid wat uit God is deur die geloof; (10) sodat ek Hom kan ken en die krag van sy opstanding en die gemeenskap aan sy lyde terwyl ek aan sy dood gelykvormig word,

Wat doen die Gees van God?

Wanneer die Gees van God teenwoordig is gebeur daar iets, daar is ‘n werking van God deur sy eie Gees wat iets sigbaars laat gebeur.

Númeri 24:2-3 Toe Bíleam sy oë opslaan en Israel sien soos hy volgens sy stamme in die laer staan, het die Gees van God op hom gekom. (3) En hy het sy spreuk aangehef en gesê: Bíleam, die seun van Beor, spreek, en die man met geopende oog spreek.

1 Samuel 11:6 En die Gees van God het oor Saul vaardig geword terwyl hy dié woorde hoor, en hy het baie kwaad geword.

Eségiël 11:24 Daarna het die Gees my opgeneem en my, in ‘n gesig deur die Gees van God, gebring na Chaldéa, na die ballinge; en die gesig wat ek gesien het, het van my af opgetrek.

Matthéüs 12:26-28 En as die Satan die Satan uitdryf, dan is hy teen homself verdeeld. Hoe sal sy koninkryk dan bly staan? (27) En as Ek deur Beëlsebul die duiwels uitdryf, deur wie dryf julle seuns hulle uit? Daarom sal hulle jul regters wees. (28) Maar as Ek deur die Gees van God die duiwels uitdryf, dan het die koninkryk van God by julle gekom.

Romeine 8:8-11 En die wat in die vlees is ^{(nie-weergeborene)}, kan God nie behaag nie; (9) julle is egter nie in die vlees nie, maar in die Gees, as naamlik die Gees van God in julle woon ^{(weergeborene)}. Maar as iemand die Gees van Christus nie het nie, dié behoort nie aan Hom nie. (10) Maar as Christus in julle is, dan is die liggaam dood vanweë die sonde, maar die gees is lewe vanweë die geregtigheid. (11) En as die Gees van Hom wat Jesus uit die dode opgewek het, in julle woon, dan sal Hy wat Christus uit die dode opgewek het, ook julle sterflike liggame lewend maak deur sy Gees wat in julle woon.

1 Korinthiërs 2:10-14 Maar God het dit aan ons deur sy Gees geopenbaar, want die Gees ondersoek alle dinge, ook die dieptes van God. (11) Want wie van die mense weet wat in ‘n mens is, behalwe die gees van die mens wat in hom is? So weet ook niemand wat in God is nie, behalwe die Gees van God. (12) Ons het ewenwel nie die gees van die wêreld ontvang nie, maar die Gees wat uit God is, sodat ons kan weet wat God ons uit genade geskenk het. (13) Daarvan spreek ons ook, nie met woorde wat die menslike wysheid leer nie, maar met dié wat die Heilige Gees leer, sodat ons ^{(weergeborene)} geestelike dinge met geestelike vergelyk. (14) Maar die natuurlike mens ^{(nie-weergeborene)} neem die dinge van die Gees van God nie aan nie; want dit is vir hom dwaasheid, en hy kan dit nie verstaan nie, omdat dit geestelik beoordeel word.

Efésiërs 4:30 En bedroef nie die Heilige Gees van God nie, deur wie julle verseël is tot die dag van verlossing.

Jesaja 63:10 Maar húlle was wederstrewig (het teen Hom gerebbeleer) en het sy Heilige Gees bedroef; daarom het Hy vir hulle in ‘n vyand verander: Hy self het teen hulle gestry. (Wanneer die Heilige Gees in ons werk en ons is kleingelowig deur teen Hom te rebelleer, dan bedroef ons Hom)

Johannes 7:38-40 Hy wat in My glo, soos die Skrif sê: strome van lewende water sal uit sy binneste vloei. (39) En dit het Hy gesê van die Gees wat dié sou ontvang wat in Hom glo; want die Heilige Gees was daar nog nie, omdat Jesus nog nie verheerlik was nie. (40) Baie van die skare het, toe hulle die woord hoor, gesê: Hy is waarlik die profeet.

DAAR STAAN ÓÓK GESKRYWE

En die lewe gaan aan. (23-03-2025)

Mar 23, 2025 | Preke

En die lewe gaan aan. (23-03-2025)PDF

Banie Swanepoel:

Deur die eeue het daar baie mense geleef en elkeen van hulle het verskillende omstandighede beleef. Ons kan terug kyk na sommige van hulle se lewens, maar ons sal dit altyd net kan doen as buitestaanders. Elkeen van ons het ons eie lewe wat ons in detail beleef en in detail ervaar. Vir ons self is ons eie lewe die belangrikste van almal, omdat dit ons eie is, maar tog is elkeen van ons net nog een van miljoene lewens deur duisende jare.

Elkeen van ons begin ons lewe in ‘n gesin wat ons nie gekies het nie, maar tog het dit ‘n ontsaglike invloed op ons hele lewe. Iewers gedurende die laaste 6000 jaar word ons gebore en ons leef in ‘n land en onder ‘n volk waarvan ons geen invloed of keuse gehad het nie. Party van ons het makliker omstandighede as ander, maar vir elkeen van ons bly die lewe ‘n geweldige uitdaging.

Die wat jonk is wil ouer wees en die wat oud is, wil weer jonk wees. Hulle wat bekend en gewild is, begeer die privaatheid en eenvoudige lewe van die onbekendes en hulle wat onbekend is, begeer die roem en aansien van die beroemdes. Ons kyk ons hele lewe rond hoe ander se lewe lyk en wonder hoekom ons die verkeerde kant van die stok gekry het.

Na ons geboorte word ons opgevoed deur ouers wat dit doen volgens hoe hulle dink en sommige van ons het selfs nie eers ouers om ons op te voed nie en opvoeding gebeur dalk glad nie. Hierdie meestal onervare ouers wat die opvoeding moet doen, het geen begrip dat hulle besig is om treinspore te vorm in ‘n nuwe mens se wese nie en hierdie nuwe wesens probeer dan rigting kry in hierdie vreemde wêreld met treinspore in hulle gemoed, wat heeltemal in ‘n ander rigting gaan as wat prakties in hierdie lewe werk.

Ten koste van ons eie lewe neem ons verkeerde besluite waarvoor ons onsself dan later kwalik neem, maar met die bekwaamheid waarmee ons bekwaam gemaak is, stry ons maar voort, …maar die lewe gaan aan.

Tou opgooi bestaan nie al hou ons ook hoe min van ons lewe, want ons het nie ‘n alternatief nie. Soms is daar wel vooruitsigte in hierdie lewe waarna ons uitsien, maar nadat ons dit bereik het en die opwinding verby is, is ons weer op die gewone vlaktes en stoei elke dag om te oorleef. Die een dag loop oor in die volgende dag en Salomo se woorde weergalm in ons gemoed: Di’s net ‘n gejaag na wind, …maar die lewe gaan aan.

Nee wat, miskien oordryf ek, daar is baie gelukkige mense ook. Kyk net na die geloofshelde wat met God gewandel het. Kom ons kyk na hulle lewens en sien of dit net ons is wat deur die lewe verniel word, of was hulle dalk ook?

Psalm 90:10 Die dae van ons jare—daarin is sewentig jaar, of as ons baie sterk is, tagtig jaar; en die uitnemendste daarvan is moeite en verdriet; want gou gaan dit verby, en ons vlieg daarheen.

‘n Gebed van Moses, een van die grootste manne van God, maar hoe was sy lewe? Nadat hy deur sy ma gesoog was, is hy as ‘n klein seuntjie weggegee aan ‘n vreemde vrou van ‘n vreemde volk waar hy sy lewe moes deurbring as iemand van ‘n ander volk. Deur sy alleen-lewe onder hierdie vreemde volk, het hy sy eie volk gesien, maar hy kon nie deel van hulle wees nie.

Hy probeer een van sy eie mense se lewe red deur ‘n Egiptenaar dood te slaan, maar toe verraai sy eie volksgenoot hom en hy moet uit die land vlug vir sy lewe en as vreemdeling gaan bly in ‘n ander land. Daar trou hy en het twee seuns. Veertig jaar later roep God hom terug om die Israeliete uit Egipte uit te lei. Aanvanklik het hulle hom verwelkom as hulle redder, maar toe hulle omstandighede moeiliker gemaak word deur Farao, omdat Moses kom inmeng het, bied hulle weerstand teen Moses.

Eindelik lei hy sy eie volk uit Egipte en vir veertig jaar dwaal hy saam met hulle in die woestyn rond, maar self gaan hy nie in die beloofde land in nie. Wat ‘n lewe, veertig jaar in die huis van Farao in plaas van sy eie mense, dan veertig jaar in ‘n vreemde land sonder sy eie mense, en dan veertig jaar saam met sy eie mense, maar dwalend in die woestyn, en dan die dood.

Is hy die uitsondering? Wat van Abraham, hy was tog ‘n vriend van God. Hy bly in Ur, maar God gee hom ‘n opdrag om te trek uit sy land en vir die res van sy lewe is hy ‘n swerwer en bly in tente. Hy is die land Kanaän belowe as erflating, maar tot aan die einde van sy lewe besit hy nie ‘n stukkie grond nie. Hy word ‘n groot nageslag belowe, maar toe hy al oud was, was daar nog nie eers een kind nie. Hy leef ‘n lewe van uitgestelde hoop.

Sy vrou stel voor dat hy by haar slavin ingaan en sy baar vir hom ‘n seun, Ismael, maar Ismael was nie deel van God se raadsplan nie en God sê vir Abraham om sy tienerseun, Ismael en sy vrou Hagar weg te stuur die woestyn in. Hoewel dit sy seun was, het hy Ismael nooit weer gesien nie, …maar die lewe gaan aan.

Deur ‘n wonderwerk word Sara wel swanger en sy baar vir hom Isak, maar toe Isak ‘n tiener was gee God vir Abraham ‘n opdrag om Isak te gaan offer. Die volgende dag gaan Abraham met sy seun en stap drie dae tot by die plek waar hy geoffer moes word. Net voor Abraham vir Isak slag, keer ‘n engel hom en die kind se lewe is gespaar. Watter trauma vir pa en seun. Vir die res van sy lewe as ‘n ou man swerf hy nog die woestyn vol en sterf sonder die land wat hy sou erf.

Maar wat van Dawid, hy was tog ‘n man na God se hart? Dawid verlos Israel van die Filistyne deur die reus te verslaan hoewel hy nog ‘n jong seun was. Hy veg as ‘n dapper soldaat in die koning se weermag en die mense besing hom, maar dit maak die koning van Israel jaloers en hy wil Dawid doodmaak. Vir jare vlug Dawid die land vol om uit die koning se mag te kom, maar moet later tussen die Filistyne gaan bly, net om van hom af weg te kom.

Nadat Saul in die oorlog gesterf het, word Dawid koning oor Israel. Omdat hy net soos ons nie ‘n volmaakte mens is nie, pleeg hy egbreuk en moord en word ‘n bespotting vir die vyande van God. Later wil sy eie seun sy troon by hom afneem en dit lei tot burgeroorlog in Israel.

God verlos Dawid van sy vyand, maar daardie vyand was Dawid se eie seun Absalom en Dawid se hart is verskeur. Ook verkrag een van Dawid se seuns Dawid se dogter, …maar die lewe gaan voort. Tot aan die einde van Dawid se lewe is daar stryd tussen sy seuns oor wie op die troon van hulle vader gaan sit en soos die res van die mensdom, blaas hy ook die laaste asem uit.

Elkeen van ons het ook ‘n lewe, maar ‘n lewe wat ons in detail beleef met ‘n oorvloed van emosie. Ons is onsekerheid as kinders en wil so graag deur ons vriende aanvaar word, maar beleef gewoonlik verwerping. Sommige van ons word geboelie en ander word verwaarloos of selfs mishandel, …maar die lewe gaan voort. Daar is nie vir ons ‘n ander lewe as ‘n alternatief nie. Word ons groot, soek ons na ons eie plek in die samelewing en probeer inpas en wil aanvaar word. Ons doen baie vreemde dinge net om te voel ons is goed genoeg, maar bly twyfel en voel minderwaardig.

Liefdesteleurstellings, geliefdes wat sterf of emigreer, goeie verhoudings wat tot niet gaan, finansiële inkomste wat verdwyn, gesondheid wat verswak en omsit in siekte en pyn en soms vrees ons vir ons lewe. Onsekerheid oor die toekoms en ‘n antiklimaks aan die einde van ons lewe.

Prediker 12:1-8 En dink aan jou Skepper in die dae van jou jonkheid voordat die ongelukkige dae kom en die jare aanbreek waarvan jy sal sê: Ek het daar geen behae in nie— (2) voordat die son en die lig en die maan en die sterre verduister word en die wolke terugkom ná die reën, (3) dié dag wanneer die wagters van die huis sal bewe en die sterk manne krom word en die malers die werk staak, omdat hulle te min geword het, en die wat deur die vensters kyk, verduister word, (4) en die deure na die straat gesluit word, terwyl die geruis van die meul verswak; en hy opstaan as die voëltjies begin sing en al die tone van die lied dof sal word. (5) Ook sal hy bang wees vir ‘n hoogte, en verskriklike dinge sal op die pad wees! En die amandelboom sal in bloei staan, en die sprinkaan sal homself met moeite voortsleep, en die kapperkruid nutteloos wees; want die mens gaan na sy ewige huis, en die rouklaers sal op die straat rondgaan. (6) Voordat die silwerdraad verwyder word en die goue oliekruik stukkend val en die kruik by die fontein gebreek word en die wiel stukkend in die put val (7) en die stof na die aarde terugkeer soos dit gewees het, en die gees na God terugkeer wat dit gegee het.

Die dood is gelukkig nie die einde van ons lewe is nie, maar die lewe gaan voort nadat ons die laaste asem uitgeblaas het. Niemand wat uit die geslag van Adam voortgekom het, is sonder bewussyn na die dood nie, maar almal van hulle lewe. Ons kan nie sterf nie, want ons is uit God gebore.

Matthéüs 22:31-32 En wat die opstanding van die dode betref—het julle nie die woord gelees wat tot julle deur God gespreek is nie: (32) Ek is die God van Abraham en die God van Isak en die God van Jakob? God is nie ‘n God van dooies nie, maar van lewendes.

Die dood is dus nie die einde nie, maar die lewe gaan aan. Iemand wat nou 40 jaar oud is en dink hy het nog 40 jaar oor om te lewe en dan is daar niks nie, het ‘n verkeerde verwagting. Hy het dalk nog 40 jaar oor in hierdie koninkryk van hierdie wêreld, maar ons moet ons denke verander om op te hou dink aan jare tot die dood en dan is ons klaar. Ons is ewige wesens en kan nie sterf nie. Sodra ons deur die gordyn van die dood gegaan het, gaan die lewe net aan.

In teenstelling met die toestand waarin ons nou is, gaan ons omstandighede drasties anders wees in een van twee rigtings, of uiters beter, of uiters erger. Ons moet dus nooit vaskyk in ons lewe op hierdie aarde wat verby is en ons lewe wat nog oor is nie, maar ons verwagting moet kyk op ‘n oneindige aantal jare wat nog voor ons lê.

Ons almal se lewens het tans geweldige uitdagings, maar dit is net vir ‘n kort tydjie. Spandeer hierdie kort tydjie om jou gereed te maak om jou Skepper te ontmoet, sodat jy die res van die ewigheid in sy koninkryk kan deurbring, in plaas van die ewige duisternis. Moenie jou ewige toekoms se uitkoms abdikeer aan iemand anders nie. Maak self die saak uit met jou Skepper en werk jou eie heil uit.

Johannes 16:33 Dit het Ek vir julle gesê, dat julle in My vrede kan hê. In die wêreld sal julle verdrukking hê; maar hou goeie moed, Ek het die wêreld oorwin.

DAAR STAAN ÓÓK GESKRYWE

Johannes 3: 16 (09-03-2025)

Mar 9, 2025 | Preke, Reekse

Johannes 3: 16 (2025)PDF

Banie Swanepoel:

Johannes 3:16 Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.

Die Skrifgedeelte waarop die evangelie van die wêreld gebaseer is:

God het die ganse wêreld lief gehad en daarom het Hy sy seun gestuur sodat elkeen wat in Hom glo, die ewige lewe kan hê.
Hoewel God voorheen net sommige mense lief gehad het, het Hy deur die kruis nou alle mense liefgekry.
Hoewel God voorheen ‘n volk uitgekies het en met hulle alleen ‘n Verbond gemaak het, het Hy sy Verbond met hulle verbreek omdat hulle nie by sy Verbond gehou het nie en het Hy ‘n nuwe Verbond gemaak met die gelowiges uit alle nasies.

Is dit werklik wat Johannes 3:16 sê, of is ons net geleer dat dit is wat daar staan en het nooit self gaan lees nie? Hoewel hierdie Skrifgedeelte in Afrikaans is en geen verskuilde betekenis het nie, kon ons nog nooit self sien wat daar staan nie.

Wat was eerste, die liefde of die offer?

As ons kyk na die kronologie van Johannes 3:16 het hy eers lief gehad en toe die prys betaal omdat Hy lief gehad het en nie eers die prys betaal en toe lief geword nie. Omdat God so lief was vir die wêreld, het Hy sy Seun gegee as losprys vir hulle wat in Hom glo. Want so lief het God die wêreld gehad dat Hy sy… die liefde was dus eerste en het toe die optrede veroorsaak.

Johannes 3:16 So lief het God vir die wêreld geword nadat hy vir hulle gesterf het dat Hy reeds vooraf, voor Hy vir hulle lief was, vir hulle gesterf het sodat elkeen wat Hy voorheen nie liefgehad het nie lief kon word en as hulle in Hom glo sal hulle die ewige lewe hê

Johannes 3:16 Omdat God sy eie mense in die hele wêreld is het Hy die hele wêreld liefgehad en daarom het Hy sy Seun gestuur om namens sy eie mense wat in die wêreld is te sterf sodat elkeen van hulle wat dan in Hom sou glo nie verlore sal gaan nie, maar die ewige lewe sal hê.

Nou is die vraag: Hoe was sy liefde gewees wat veroorsaak het dat Hy sy Seun gestuur het? Omdat sy liefde voor die kruis sy bereidheid vir die offer bepaal het, moet ons ondersoek wat daardie liefde was om te kan weet vir wie die liefde was. Sy liefde in sy hart voor die kruis het die kruis veroorsaak en as ons dan lees; So lief het God die wêreld gehad dat Hy… dan kan ons gaan kyk hoe hierdie liefde was.

God se liefdesverklarings voor die kruis:

Deuteronómium 10:14-15 Kyk, aan die HERE jou God behoort die hemel, ook die hoogste hemel, die aarde en alles wat daarin is. (15) Maar net aan jou vaders het die HERE ‘n welgevalle gehad om hulle lief te hê, en Hy het julle, hulle nageslag ná hulle, uit al die volke uitverkies, soos dit vandag is.

God maak sy hart oop teenoor ons en verklaar sy liefde tydens Israel se uittog uit Egipte. Hy sê sonder dubbelsinnigheid duidelik dat Hy net die Israeliete en hulle voorgeslag liefhet uit al die volke wat op die aarde is.
Selfs ons as mens verstaan nie die liefde nie en weet nie wat liefde is en hoe liefde werk nie, maar weet wel dat wanneer jy iemand liefhet, kan dit jou lewe vervul of jou hart breek en jy het self nie beheer daaroor nie. Ons kan nie die liefde aanskakel of afskakel nie, al wil ons. God se liefde is soos ons liefde, want ons liefde kom van Hom af. Net soos ons hart kan pyn van onbeantwoorde liefde, pyn sy hart ook.
Indien ons iemand liefhet, sal ons ons lewe vir daardie persoon gee, maar ons kan nie verklaar hoekom nie. Indien ons iemand egter nie liefhet nie, sal ons nie ons lewe vir hom gee nie en dit kan ons ook nie verklaar nie. As ons iemand sou haat, wil ons hom om die lewe bring en dit kan ons ook nie verklaar nie.
Ons kyk werklik in ‘n spieël na ‘n raaisel as dit by die liefde kom, maar ons het geen respek en selfs vrees vir God se eie liefde in sy hart nie. Net die feit dat Hy sy liefde aan ons verklaar, moet dit ons alreeds met verbasing en bewondering vervul, maar intussen is ons besig om sy liefde namens Hom te bepaal en te beoordeel.
Dink maar net hoe ons as mens reageer as daar vir ons voorgeskryf word wie ons mag liefhê en met wie ons mag trou. God sê in Johannes 3:16 dat hierdie liefde van Hom so groot was, dat Hy sy lewe daarvoor gegee het.

Deuteronómium 7:6-8 Want jy is ‘n volk heilig aan die HERE jou God; jou het die HERE jou God uitverkies om uit al die volke wat op die aarde is, sy eiendoms volk te wees. (7) Die HERE het ‘n welgevalle aan julle gehad en julle uitverkies, nie omdat julle meer was as al die ander volke nie, want julle was die geringste van al die volke. (8) Maar omdat die HERE julle liefgehad en die eed gehou het wat Hy vir julle vaders gesweer het, het die HERE julle met ‘n sterke hand uitgelei en jou uit die slawehuis, uit die hand van Farao, die koning van Egipte, verlos.

Wanneer dit by iemand se liefde teenoor iemand anders kom, kan geen ander persoon die reëls maak nie. Wanneer God dus sê dat Hy net die Israeliete uit al die nasies op die aarde liefhet, watter mens mag daaroor kommentaar lewer en selfs vir Hom voorskryf? Dit is iets waarvoor ons net geweldige respek moet hê.

Indien ‘n dogter by haar welgestelde pa kom en verklaar dat sy haar hart verloor het op ‘n man van die onderdorp wat met raserige motorfietse jaag, het hy seker gesag en reg om haar teë te gaan en anders te probeer oortuig, maar wanneer die Skepper van hemel en aarde sy liefde verklaar vir ‘n volk, wie is ons om dit te beoordeel?

Die liberale wêreld (wat in die mag van die Bose lê) se doel is om God se liefde vir sy volk te verander in sy liefde vir alle volke. Dit word gedoen deur byvoorbeeld Johannes 3:16, maar na noukeurige ondersoek sien ons dat sy voorafbestaande liefde veroorsaak het dat Hy sy geliefdes van ‘n gewisse dood wil red en daarom het Hy sy Seun gestuur om in hulle plek te sterf.

Ons is deur die eeue gebreinspoel om hierdie leuen te glo omdat dit deur die Satan beplan is om te laster teen die almag van God. Dink mooi wat ons doen, ons belet Hom om lief te hê wie Hy wil en skryf dan vir Hom voor wat aanvaarbaar is vir ons en wie Hy behoort lief te hê. Ons speel letterlik met vuur.

Omdat ons van dag een af geleer word deur elke middel van opvoeding en propaganda, is dit vir ons bykans onmoontlik om die teendeel in te sien en vra dit ‘n bewuste besluit om ons denke te ondersoek en te kyk of dit wat ons glo, waar is. Indien die teenoorgestelde waar is as wat ons nog altyd van Johannes 3:16 glo, beteken dit dat God net sekere mense liefhet en dan die res nie liefhet nie. Is dit moontlik dat God sekere mense selfs kan haat, ten spyte van wat ons nog altyd verstaan 3:16 sê?

Maleági 1:2-4 Ek het julle liefgehad, sê die HERE. Nogtans vra julle: Waarin het U ons liefgehad? Is Esau nie die broer van Jakob nie? spreek die HERE. Tog het Ek Jakob liefgehad, (3) maar Esau het Ek gehaat en sy gebergte ‘n wildernis gemaak en sy erfdeel aan die jakkalse van die woestyn prysgegee. (4) As Edom sê: Ons is wel verwoes, maar ons sal die puinhope weer opbou—dan sê die HERE van die leërskare dit: Laat hulle bou, Ek breek dit tog af; en die mense sal hulle noem: Grondgebied van goddeloosheid, en: Die volk waarop die HERE vertoornd is tot in ewigheid!

Die gevolgtrekking: toe sy Seun gekom het om vir die wie Hy liefhet se sonde te sterf, het Hy dus net gesterf vir die wat Hy liefgehad het; dit is tog immers waarvoor Hy gesterf het. Logies en kronologies maak dit tog sin, maar die vals profete insinueer dat sy liefde reeds vir die ander volke ook bestaan het en daarom praat Hy van die wêreld wat Hy liefgehad het.

Johannes 3:16 Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.

Opinie: Die wêreld kan egter ook ‘n plek wees en nie noodwendig ‘n aanduiding van die mense in die wêreld nie, maar as ons verder in Johannes lees dan verklaar Johannes self vir ons dat die wêreld waarvan hy gepraat het in 3:16 nie dui op mense nie, maar op ‘n plek. Hy het dus die plek, die wêreld, liefgehad en nie die mense van die wêreld nie.

Johannes 13:1 En voor die fees van die Pasga het Jesus, omdat Hy wis dat sy uur gekom het dat Hy uit hierdie wêreld sou oorgaan na die Vader, en omdat Hy sy eie mense in die wêreld liefgehad het, hulle liefgehad tot die einde toe.

Toe die Israeliete by die berg Sinai was, was hulle in die wêreld, maar daar was nog baie ander mense in die wêreld, maar sommige was sy mense en ander was nie sy mense nie. Hy het die wêreld (die plek) lief, omdat sy eie mense in die plek is. Ek het Suid Afrika lief, want my eie mense is in Suid Afrika, maar almal wat in Suid Afrika is, is nie noodwendig my eie mense nie. Suid Afrika wat ek liefhet dui dus op ‘n plek en nie op al die inwoners van Suid Afrika nie.

Het Hy dan werklik nie vir al die mense van die wêreld gesterf nie? Is dit nie haatspraak nie en is dit nie onregverdig nie?

Psalm 85:2-4 U het, o HERE, ‘n welbehae gehad in u land; die lot van Jakob het U verander. (3) U het die ongeregtigheid van u volk weggeneem, al hulle sonde bedek. Sela. (4) U het al u grimmigheid teruggetrek, U het U van die gloed van u toorn afgewend.

Matthéüs 1:19-21 En Josef, haar man, omdat hy regverdig was en onwillig om haar openbaar te maak, het hom voorgeneem om in die geheim van haar te skei. (20) Maar terwyl hy dit in die gedagte gehad het, verskyn daar ‘n engel van die Here in ‘n droom aan hom en sê: Josef, seun van Dawid, wees nie bevrees om Maria, jou vrou, by jou te neem nie, want wat in haar verwek is, is uit die Heilige Gees; (21) en sy sal ‘n seun baar, en jy moet Hom Jesus noem, want dit is Hy wat sy volk van hulle sondes sal verlos.

As hy dan net vir een volk lief is, wat van al die ander volke?

Jesaja 45:9 Wee hom wat met sy Formeerder twis—’n potskerf by erdepotskerwe! Sal dan die klei sê aan die wat dit vorm: Wat maak jy? Of jou werk sê: Hy het geen hande nie!

Omdat God net sy eie mense in die wêreld liefhet, volgens Homself, en net vir hulle die offer gebring het, kan net hulle gered word deur in Hom te glo. … sodat elkeen wat in Hom glo, nie verlore mag gaan nie, maar die ewige lewe kan hê.

God se Nuwe Verbond stel sy eie mense in staat om weer gebore te word en daardeur die koninkryk van God te kan ingaan, maar sy verbond was net met sy eie mense en die Nuwe Verbond is nou ook net met sy eie mense.

Sy eie mense was voor die grondlegging van die aarde af bepaal en is vergestalt in die nageslag van Abraham, Isak en Jakob, die uitverkore Israeliete.

Hebreërs 8:8-10 Want Hy berispe hulle en sê: Kyk, daar kom dae, spreek die Here, dat Ek met die huis van Israel en die huis van Juda ‘n nuwe verbond tot stand sal bring, (9) nie volgens die verbond wat Ek met hulle vaders gemaak het op die dag toe Ek hulle aan die hand geneem het om hulle uit Egipteland uit te lei nie; want hulle het nie gebly by my verbond nie, en Ek het hulle veronagsaam, spreek die Here. (10) Want dit is die verbond wat Ek ná dié dae sal sluit met die huis van Israel, spreek die Here: Ek sal my wette in hulle verstand gee en dit op hulle hart skrywe; en Ek sal vir hulle ‘n God wees, en hulle sal vir My ‘n volk wees.

Die hartseer van die eeue is dat die Satan dit reg gekry het dat die verkondigers van die boodskap van verlossing reeds van vroeg af mislei was met ‘n vals evangelie wat sekere verse buite konteks aangehaal het en dan die evangelie aan die hele wêreld gaan verkondig het en nie aan sy eie mense in die hele wêreld nie. Die gevolg is dat baie geroep word, maar min is uitverkies.

Matthéüs 22:12-14 En hy sê vir hom: Vriend, hoe het jy hier ingekom sonder ‘n bruilofskleed aan? En hy kon geen woord sê nie. (13) Toe sê die koning vir sy dienaars: Bind sy hande en voete, neem hom weg en werp hom in die buitenste duisternis. Daar sal geween wees en gekners van die tande. (14) Want baie is geroep, maar min uitverkies.

Psalm 147:19-20 Hy maak aan Jakob sy woorde bekend, aan Israel sy insettinge en sy verordeninge. (20) So het Hy aan geen enkele nasie gedoen nie; en sy verordeninge, dié ken hulle nie. Halleluja!

z`~ z`~ z`~ z`~ z`~ z`~ z`~ z`~ z

002 – Johannes 3 v 16 (16-03-2025)

(Hoe lief het God dan sy eie mense in die wêreld gehad?)

Johannes 3:16 Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.

Ken ons die God van die Bybel, of ken ons die wêreld se weergawe van Hom?

Exodus 33:12-13 Toe het Moses met die HERE gespreek: U sê nou wel aan my: Ek moet hierdie volk laat optrek, maar U laat my nie weet wie U saam met my sal stuur nie, hoewel U gesê het: Ek ken jou by die naam, en jy het ook genade in my oë gevind. (13) As ek dan nou genade in u oë gevind het, maak my dan tog u weë bekend, dat ek U kan ken; sodat ek genade in u oë kan vind. En bedink tog dat hierdie nasie u volk is.

Psalm 95:8-11 Verhard julle hart nie soos by Mériba, soos op die dag van Massa in die woestyn nie; (9) waar julle vaders My versoek het, My beproef het, alhoewel hulle my werk gesien het. (10) Veertig jaar het Ek ‘n afkeer gehad van hierdie geslag en gesê: Hulle is ‘n volk met ‘n dwalende hart, en hulle ken my weë nie; (11) sodat Ek in my toorn gesweer het: Waarlik, hulle sal in my rus nie ingaan nie! ^{Hebreërs 3: 7 – 11}

1 Johannes 2:18-19 Kinders, dit is die laaste uur; en soos julle gehoor het dat die Antichris kom, bestaan daar ook nou baie antichriste, waaruit ons weet dat dit die laaste uur is. (19) Hulle het van ons uitgegaan, maar hulle was nie van ons nie; want as hulle van ons was, sou hulle by ons gebly het; maar dit moes aan die lig kom dat hulle nie almal van ons is nie.

Johannes 16:1-3 Hierdie dinge het Ek vir julle gesê, sodat julle nie mag struikel nie. (2) Hulle sal julle uit die sinagoges ban. Ja, daar kom ‘n uur dat elkeen wat julle om die lewe bring, sal dink dat hy ‘n diens aan God bewys. (3) En dit sal hulle aan julle doen, omdat hulle die Vader nie ken nie en My ook nie.

(Vooraf) God se liefde is anders as wat deur die wêreld vir ons geleer word. Wat sê die evangelie van die wêreld en wat sê God self?

God se liefde het nie verander by die kruis nie, want dit kan nie. God word nie lief vir iemand nie, maar is lief vir iemand of is nie lief vir iemand nie, van die begin af.

Jesaja 41:4 Wie het dit gedoen en tot stand gebring? Hy wat die geslagte roep van die begin af; Ek, die HERE, die Eerste, en by die laaste is Ek dieselfde.

Johannes 6:44 Niemand kan na My toe kom as die Vader wat My gestuur het, hom nie trek nie; en Ek sal hom opwek in die laaste dag.

Johannes 6:65-68 En Hy sê: Om hierdie rede het Ek vir julle gesê dat niemand na My toe kan kom as dit hom nie deur my Vader gegee is nie. (66) Hieroor het baie van sy dissipels teruggegaan en nie meer saam met Hom gewandel nie. (67) Toe sê Jesus vir die twaalf: Wil julle nie ook weggaan nie? (68) En Simon Petrus antwoord Hom: Here, na wie toe sal ons gaan? U het die woorde van die ewige lewe.

God het nie almal lief nie, maar haat selfs sommiges. (Wie is ons om anders te sê?)

Maleági 1:1-4 Godspraak. Die woord van die HERE aan Israel deur die diens van Maleági. (2) Ek het julle liefgehad, sê die HERE. Nogtans vra julle: Waarin het U ons liefgehad? Is Esau nie die broer van Jakob nie? spreek die HERE. Tog het Ek Jakob liefgehad, (3) maar Esau het Ek gehaat en sy gebergte ‘n wildernis gemaak en sy erfdeel aan die jakkalse van die woestyn prysgegee. (4) As Edom sê: Ons is wel verwoes, maar ons sal die puinhope weer opbou—dan sê die HERE van die leërskare dit: Laat hulle bou, Ek breek dit tog af; en die mense sal hulle noem: Grondgebied van goddeloosheid, en: Die volk waarop die HERE vertoornd is tot in ewigheid!

Wedergeboorte is net vir die wat Hy liefhet, want Hy gee sy Gees net aan hulle.

Jesaja 44:1-5 Maar luister nou, my kneg Jakob, en Israel wat Ek uitverkies het! (2) So sê die HERE, jou Maker en jou Formeerder van die moederskoot af, wat jou help: Wees nie bevrees nie, Jakob, my kneg, en Jesúrun wat Ek uitverkies het! (3) Want Ek sal water giet op die dorsland en strome op die droë grond; Ek sal my Gees op jou kroos giet en my seën op jou nakomelinge. (4) En hulle sal uitspruit tussen die gras in, soos wilgerbome by waterlope. (5) Die een sal sê: Ek behoort aan die HERE; en die ander sal die naam van Jakob uitroep; en die ander sal met sy hand skrywe: Ek behoort aan die HERE, en hom met die erenaam Israel noem.

Hoe lief het God dan sy eie mense in die wêreld gehad?

Deuteronómium 10:15 Maar net aan jou vaders het die HERE ‘n welgevalle gehad om hulle lief te hê, en Hy het julle, hulle nageslag ná hulle, uit al die volke uitverkies, soos dit vandag is.

Deuteronómium 33:2-3 En hy het gesê: Die HERE het gekom van Sinai en vir hulle opgegaan van Seïr af; Hy het in ligglans verskyn van die gebergte Paran en gekom van heilige tien duisende af; aan sy regterhand was vlammende vuur vir hulle. (3) Ja, Hy het die stamme lief. Al sy heiliges—hulle is in u hand; en hulle was gelaer by u voet; elkeen ontvang iets van u uitsprake.

Hoséa 11:1-11 Toe Israel ‘n kind was, het Ek hom liefgehad, en uit Egipte het Ek my seun geroep. (2) Hoe meer die profete hulle geroep het, des te meer het hulle van húlle af weggeloop; hulle het aan die Baäls geoffer en vir die gesnede beelde rook laat opgaan. (3) En Ek self het Efraim leer loop. Hy het hulle op sy arms geneem, maar hulle het nie erken dat Ek hulle genees het nie. (4) Met mensebande, met koorde van liefde het Ek hulle getrek; en Ek was vir hulle soos diegene wat die juk van hulle kakebeen af oplig; en Ek het My na hom neergebuig, Ek het hom voedsel gegee. (5) Hy sal na Egipteland nie terugkeer nie, maar Assur—dié sal sy koning wees; omdat hulle geweier het om hulle te bekeer. (6) En die swaard sal geswaai word in sy stede en sy grendels vernietig en verteer weens hulle planne. (7) Want my volk dwing om van My afvallig te word; en as die profete hom roep na bo, rig hy hom glad nie op nie. (8) Hoe kan Ek jou oorgee, o Efraim, jou prysgee, o Israel? Hoe kan Ek jou maak soos Adma, jou gelykstel met Seboïm: my hart is omgekeer in My, tegelykertyd is my medelyde opgewek. (9) Ek sal my toorngloed nie laat geld nie, Ek sal Efraim nie weer te gronde rig nie; want Ek is God en nie ‘n mens nie, die Heilige in jou midde. En Ek sal nie kom in grimmigheid nie.

Jesaja 44:21-24 Dink aan hierdie dinge, o Jakob en Israel! Want jy is my kneg; Ek het jou geformeer; jy is my kneg, Israel! Jy sal deur My nie vergeet word nie. (22) Ek delg jou oortredinge uit soos ‘n newel en jou sondes soos ‘n wolk; keer terug na My, want Ek het jou verlos. (23) Jubel, o hemele, want die HERE het dit gedoen. Juig, dieptes van die aarde! Breek uit in gejubel, o berge, bosse en al die bome daarin! Want die HERE het Jakob verlos, en Hy sal Homself verheerlik aan Israel. (24) So sê die Here, jou Verlosser, en Hy wat jou geformeer het van die moederskoot af: Ek is die HERE wat alles volbring, wat die hemel uitspan, Ek alleen, en wat die aarde uitsprei—wie was met My? —

Psalm 47:1-9 Vir die musiekleier. Van die kinders van Korag. ‘n Psalm. (2) Alle volke, klap met die hande; juig tot eer van God met ‘n stem van gejubel! (3) Want die HERE, die Allerhoogste, is gedug, ‘n groot Koning oor die hele aarde. (4) Hy bring volke onder ons en nasies onder ons voete. (5) Hy kies ons erfdeel vir ons uit, die trots van Jakob wat Hy liefhet. Sela. (6) God vaar op met gejuig, die HERE met basuin geklank. (7) Psalmsing tot eer van God, psalmsing! Psalmsing tot eer van ons Koning, psalmsing! (8) Want God is Koning van die hele aarde; psalmsing met ‘n onderwysing. (9) God regeer oor die nasies; God sit op sy heilige troon.

Hoewel Hy Koning oor die hele aarde sal wees, het Hy nog steeds net een volk lief.

Jesaja 43:1-28 Maar nou, so sê die HERE, jou Skepper, o Jakob, en jou Formeerder, o Israel: Wees nie bevrees nie, want Ek het jou verlos; Ek het jou by jou naam geroep; jy is myne! (2) As jy deur die water gaan, is Ek by jou; en deur die riviere—hulle sal jou nie oorstroom nie; as jy deur vuur gaan, sal jy jou nie skroei nie, en die vlam sal jou nie brand nie. (3) Want Ek is die HERE, jou God, die Heilige van Israel, jou Heiland; Ek het Egipte gegee as losprys vir jou, Kus en Seba in jou plek. (4) Omdat jy kostelik is in my oë, hooggeag is, en Ek jou liefhet, daarom gee Ek mense in jou plek en volke vir jou lewe. (5) Wees nie bevrees nie, want Ek is met jou; Ek sal jou geslag van die ooste af aanbring en jou versamel van die weste af. (6) Ek sal sê aan die noorde: Gee! en aan die suide: Hou nie terug nie! Bring my seuns van ver, en my dogters van die einde van die aarde af, (7) elkeen wat na my Naam genoem is en wat Ek geskape het tot my eer, wat Ek geformeer, wat Ek ook gemaak het. (8) Bring uit die volk wat blind is en tog oë het, en die dowes wat ore het. (9) Al die nasies het saam vergader, en die volke is versamel. Wie onder hulle kan sulke dinge verkondig? En laat hulle ons die vorige dinge bekend maak! Laat hulle hul getuies bring, dat hulle in die gelyk gestel kan word; en laat hulle hoor en sê: Dit is die waarheid! (10) Júlle is my getuies, spreek die HERE, en my kneg wat Ek uitverkies het, sodat julle kan weet en My kan glo en insien dat dit Ek is—voor My is geen God geformeer nie, en ná My sal daar geeneen wees nie. (11) Ek, Ek is die HERE, en daar is geen Heiland buiten My nie. (12) Ék het verkondig en verlos en dit laat hoor, en daar was geen ander god onder julle nie; en julle is my getuies, spreek die HERE, en Ek is God. (13) Ook van vandag af is Ek dit, en niemand red uit my hand nie; Ek werk, en wie kan dit keer? (14) So sê die HERE, jou Losser, die Heilige van Israel: Om julle ontwil het Ek na Babel gestuur, en Ek sal hulle almal as vlugtelinge laat afdaal, naamlik die Chaldeërs, in die skepe waarop hulle gejuig het. (15) Ek is die HERE, julle Heilige; die Skepper van Israel, julle Koning. (16) So sê die HERE wat in die see ‘n weg en in die sterk waters ‘n pad gemaak het, (17) wat waens en perde, leërmag en held laat uittrek het; tesame lê hulle, hulle sal nie opstaan nie; hulle is uitgeblus, soos ‘n lamppit uitgedoof. (18) Dink nie aan die vorige dinge nie, en slaan geen ag op wat vroeër gebeur het nie. (19) Kyk, Ek gaan iets nuuts maak; nou sal dit uitspruit; sal julle dit nie merk nie? Ja, Ek maak ‘n pad in die woestyn, riviere in die wildernis. (20) Die wilde diere van die veld sal My eer, die jakkalse en die volstruise; want Ek gee waters in die woestyn, riviere in die wildernis om my volk, my uitverkorene, te laat drink. (21) Die volk wat Ek vir My geformeer het, hulle sal my lof verkondig. (25) Ek, Ek is dit wat jou oortredinge uitdelg om My ontwil, en aan jou sondes dink Ek nie. (26) Maak My indagtig; laat ons teen mekaar pleit; vertel jy, dat jy in die gelyk gestel kan word. (27) Jou eerste vader het gesondig, en jou tolke het teen My oortree. (28) So het Ek dan heilige vorste ontheilig en Jakob aan die banvloek oorgegee en Israel aan beskimpinge.

Jeremia 33:14-16 Kyk, daar kom dae, spreek die HERE, dat Ek die goeie woord in vervulling laat gaan wat Ek gespreek het aangaande die huis van Israel en die huis van Juda. (15) In dié dae en in dié tyd sal Ek vir Dawid ‘n Spruit van geregtigheid laat uitspruit, en Hy sal reg en geregtigheid doen in die land. (16) In dié dae sal Juda verlos word en Jerusalem veilig woon; en dit sal die naam daarvan wees: DIE HERE ONS GEREGTIGHEID.

Matthéüs 2:5-6 En hulle het vir hom gesê: Te Betlehem in Judéa, want so is daar deur die profeet geskrywe: (6) En jy, Betlehem, land van Juda, is volstrek nie die geringste onder die vorste van Juda nie, want uit jou sal ‘n leidsman voortkom wat vir my volk Israel ‘n herder sal wees.

Matthéüs 15:22-24 En ‘n Kananése vrou het van daardie gebied gekom en na Hom geroep en gesê: Wees my barmhartig, Here, Seun van Dawid! My dogter is erg van die duiwel besete. (23) Maar Hy het haar nie ‘n woord geantwoord nie. Toe kom sy dissipels nader en vra Hom en sê: Stuur haar weg, want sy roep agter ons aan. (24) Maar Hy antwoord en sê: Ek is net gestuur na die verlore skape van die huis van Israel.

Handelinge 5:29-32 En Petrus en die apostels antwoord en sê: Ons moet aan God meer gehoorsaam wees as aan die mense. (30) Die God van ons vaders het Jesus opgewek, wat julle omgebring het deur Hom aan ‘n kruishout te hang. (31) Hom het God as Leidsman en Verlosser deur sy regterhand verhoog om aan Israel bekering en vergifnis van sondes te skenk. (32) En ons is sy getuies van hierdie dinge, en ook die Heilige Gees wat God gegee het aan die wat Hom gehoorsaam is.

Handelinge 28:20 Om hierdie rede dan het ek versoek om u te sien en toe te spreek, want dit is oor die hoop van Israel dat ek met hierdie ketting geboei is.

Paulus was ‘n gevangene en het ook sy hele lewe opgeoffer terwille van die hoop van Israel, wat is ons hoop en waarvoor gee ons ons lewe, vir die kerk, vir ‘n beter wêreld, vir die verlossing van alle nasies?

Jeremia 31:31-37 Kyk, daar kom dae, spreek die HERE, dat Ek met die huis van Israel en die huis van Juda ‘n nuwe verbond sal sluit; (32) nie soos die verbond wat Ek met hulle vaders gesluit het op dié dag toe Ek hulle hand gegryp het om hulle uit Egipteland uit te lei nie—my verbond wat húlle verbreek het, alhoewel Ék gebieder oor hulle was, spreek die HERE. (33) Maar dit is die verbond wat Ek ná dié dae met die huis van Israel sal sluit, spreek die HERE: Ek gee my wet in hulle binneste en skrywe dit op hulle hart; en Ek sal vir hulle ‘n God wees, en hulle sal vir My ‘n volk wees. (34) En hulle sal nie meer elkeen sy naaste en elkeen sy broer leer nie en sê: Ken die HERE; want hulle sal My almal ken, klein en groot onder hulle, spreek die HERE; want Ek sal hulle ongeregtigheid vergewe en aan hulle sonde nie meer dink nie. (35) So sê die HERE wat die son gee tot ‘n lig oordag, die ordeninge van die maan en van die sterre tot ‘n lig in die nag; wat die see in beroering bring, sodat sy golwe bruis, HERE van die leërskare is sy Naam: (36) As hierdie verordeninge voor my aangesig sal wyk, spreek die HERE, dan sal die nageslag van Israel ook ophou om ‘n volk te wees voor my aangesig vir altyd. (37) So sê die HERE: As die hemele daarbo gemeet en die fondamente van die aarde daaronder nagespeur kan word, dan sal Ek ook die hele nageslag van Israel verwerp weens alles wat hulle gedoen het, spreek die HERE.

DAAR STAAN ÓÓK GESKRYWE

Toegepaste geloof (23-02-2025)

Feb 23, 2025 | Preke

Toegepaste geloof (2025)PDF

Banie Swanepoel:

Matthéüs 17:20 En Jesus antwoord hulle: Deur julle ongeloof; want, voorwaar Ek sê vir julle, as julle geloof het soos ‘n mosterdsaad sal julle vir hierdie berg sê: Gaan weg hiervandaan daarnatoe! en hy sal weggaan, en niks sal vir julle onmoontlik wees nie.

001 Toegepaste geloof (23-02-2025)

Matthéüs 21:21 Maar Jesus antwoord en sê vir hulle: Voorwaar Ek sê vir julle, as julle geloof het en nie twyfel nie, sal julle nie alleen doen wat met die vyeboom gebeur het nie; maar al sê julle ook vir hierdie berg: Hef jou op en werp jou in die see—sal dit gebeur.

Geloof is ‘n vaste vertroue in die Persoon wat iets vir my gesê het.
Hebreërs 11:1 Die geloof dan is ‘n vaste vertroue op die dinge wat ons hoop, ‘n bewys van die dinge wat ons nie sien nie.
As ons nie blindelings glo soos ‘n kind nie, maar dit wat God gesê het eers oordink en die moontlikheid en geloofwaardigheid daarvan oorweeg, is dit nie geloof nie.
Lukas 18:17 Voorwaar Ek sê vir julle, elkeen wat die koninkryk van God nie soos ‘n kindjie ontvang nie, sal daar nooit ingaan nie.
‘n Persoon wat glo hou nie ‘n tweede opsie oop nie en het nie ‘n agterdeur of ‘n alternatief nie. Alles of niks, want geloof is juis om te weet dat God gaan verhoor.
Johannes 16:23-24 En in daardie dag sal julle My niks vra nie. Voorwaar, voorwaar Ek sê vir julle, alles wat julle die Vader sal vra in my Naam, sal Hy julle gee. (24) Tot nou toe het julle niks in my Naam gevra nie. Bid en julle sal ontvang, sodat julle blydskap volkome kan wees.
Vader verhoor altyd as ons iets volgens sy wil vra, maar Hy verhoor nie noodwendig op ons tyd nie, maar op sy tyd.
Hebreërs 11:39-40 En alhoewel hulle almal deur die geloof getuienis ontvang het, het hulle die belofte nie verkry nie, (40) omdat God iets beters oor ons beskik het, sodat hulle nie sonder ons volmaak sou word nie.
Bedink wat jy wil vra voordat jy vra, ondersoek Vader se weë en wil in sy Woord. As Vader beloof het waarvoor jy wil bid, vra dan as jy nog wil vra en gee dan oor aan sy voorsiening.
Johannes 16:23-24 En in daardie dag sal julle My niks vra nie. Voorwaar, voorwaar Ek sê vir julle, alles wat julle die Vader sal vra in my Naam, sal Hy julle gee. (24) Tot nou toe het julle niks in my Naam gevra nie. Bid en julle sal ontvang, sodat julle blydskap volkome kan wees.
Matthéüs 6:11 gee ons vandag ons daaglikse brood;
As ons nie volgens sy wil vra nie sal ons nie kan glo nie, want daar is nie Skrif vir ons gebed nie en as daar nie Skrif is waarvoor ons bid nie, sal ons nie kan glo nie en ons sal nie ontvang nie.
Jakobus 4:1-3 Waarvandaan kom oorloë en vegterye onder julle? Kom hulle nie hiervandaan, van julle welluste wat in julle lede stryd voer nie? (2) Julle begeer en julle het nie, julle pleeg moord en is naywerig en julle kan niks verkry nie. Julle veg en maak oorlog, en julle het nie, omdat julle nie bid nie. (3) Julle bid en julle ontvang nie, omdat julle verkeerd bid, om dit in julle welluste deur te bring.
Mag ons bid vir ons eie behoeftes? Is dit God se wil?
Matthéüs 6:11 gee ons vandag ons daaglikse brood;
2 Konings 1:2-3 En Ahásia het deur die tralievenster in sy bo-kamer, in Samaría, geval en siek geword. Toe stuur hy boodskappers uit en sê vir hulle: Gaan raadpleeg Baäl-Sebub, die god van Ekron, of ek van hierdie siekte gesond sal word. (3) Maar die Engel van die HERE het vir Elía, die Tisbiet, gesê: Maak jou klaar, gaan op, die boodskappers van die koning van Samaría tegemoet, en spreek met hulle: Gaan julle, omdat daar glad geen God in Israel is nie, om Baäl-Sebub, die god van Ekron, te raadpleeg?
Iemand wat in God glo betreffende een onderwerp is verplig om in Hom te glo betreffende alles wat Hy sê, want Hy is of volmaak geloofwaardig, of Hy is nie geloofwaardig nie. Indien ons glo Hy is nie 100% geloofwaardig nie, kan ons Hom nie 100% vertrou nie en moet ons uiteraard ‘n alternatief hê ingeval Hy nie kon presteer nie.
Jesaja 50:2 Waarom het Ek gekom en daar was niemand nie, het Ek geroep en niemand geantwoord nie? Is my hand werklik te kort om te verlos, of is daar in my geen krag om uit te red nie? Kyk, deur my dreiging maak Ek die see droog; Ek maak die riviere tot ‘n woestyn, sodat hulle visse stink, omdat daar geen water is nie, en hulle sterwe van dors.
Ons moet sy weë ken om in Hom te kan glo en ons moet in Hom glo voordat ons Hom kan glo en met ons lewens vertrou.
Hebreërs 3:10-11 Daarom het Ek vertoornd geword op daardie geslag en gesê: Altyd dwaal hulle met die hart. Maar húlle het my weë nie leer ken nie, (11) sodat Ek in my toorn gesweer het: Hulle sal in my rus nie ingaan nie.
Wanneer iemand wel in God glo en Hom wel vertrou vir die uitkoms en die uitkoms van ‘n saak waaroor Hy gebid het, moet hy bewus wees dat hy dan gaan moet wag. Nadat ons gebid het, het ons ‘n vaste vertroue op ons God, maar daardie vertroue moet dalk staande bly oor baie jare. Tydens hierdie wagtydperk oorweeg ons dan ander alternatiewe hulp omdat ons geloof nie sterk genoeg is nie.

Romeine 4:18-22 Hy het teen hoop op hoop geglo dat hy vader sou word van baie volke volgens wat gesê was: So sal jou nageslag wees. (19) En sonder om te verswak in die geloof het hy, al was hy omtrent honderd jaar oud, nie gelet op sy eie liggaam wat alreeds verstorwe was, en op die verstorwe toestand van die moederskoot van Sara nie. (20) En hy het nie deur ongeloof aan die belofte van God getwyfel nie, maar hy is versterk deur die geloof en het aan God die eer gegee (21) en was ten volle oortuig dat Hy ook die mag het om te doen wat Hy beloof het. (22) Daarom is dit hom ook tot geregtigheid gereken.

Terwyl jy wag mag jy God herinner aan sy beloftes.
Jesaja 62:6-7 o Jerusalem, Ek het wagte op jou mure uitgesit wat gedurigdeur die hele dag en die hele nag nie sal swyg nie. o Julle wat die HERE herinner aan sy beloftes—moenie rus nie (7) en laat Hom nie met rus nie, totdat Hy Jerusalem bevestig en maak tot ‘n lof op aarde!

*~*~*~*~*~*~*~*~*~*~*~*~*~*~

002 Toegepaste geloof (02-03-2025)

Geloof is ‘n vaste vertroue in die Persoon wat iets vir my gesê het. Heb
As ons nie blindelings soos ‘n kind glo dit wat God gesê het nie.
‘n Persoon wat glo hou nie ‘n tweede opsie oop nie.
Vader verhoor altyd as ons iets volgens sy wil vra, maar Hy verhoor nie noodwendig op ons tyd nie, maar op sy tyd
Bedink wat jy wil vra voordat jy vra.
As ons nie volgens sy wil vra nie sal ons nie ontvang nie.
Mag ons bid vir ons eie behoeftes, is dit God se wil?
Iemand wat in God glo betreffende een onderwerp is verplig om in Hom te glo betreffende alles wat Hy sê
Ons moet sy weë ken om in Hom te kan glo.
Nadat ons tot Hom gebid het, moet ons wag en dit is geloof in aksie.

Jesaja 28:16 daarom, so sê die Here HERE: Kyk, Ek lê in Sion ‘n grondsteen, ‘n beproefde steen, ‘n kosbare hoeksteen wat vas gegrondves is; hy wat glo, sal nie haastig wees nie.

1 Samuel 13:7-11 En die Hebreërs het die Jordaan deurgetrek na die land Gad en Gílead; maar Saul was nog in Gilgal met al die manskappe wat bewende agter hom aan gegaan het. (8) En hy het sewe dae lank gewag, tot die tyd wat Samuel bepaal het; maar toe Samuel nie na Gilgal kom nie en die manskappe van hom af verstrooid raak, (9) het Saul gesê: Bring na my die brandoffer en die dankoffers; en hy het die brandoffer geoffer. (10) En toe hy net gereed was om die brandoffer te bring, kom Samuel meteens daar aan; en Saul het uitgegaan hom tegemoet om hom te groet. (11) Daarop vra Samuel: Wat het jy gedoen? En Saul sê: Ek het gesien dat die manskappe verstrooid raak van my af; en toe u nie kom op die afgesproke tyd nie, terwyl die Filistyne in Migmas bymekaarkom, 12 het ek gesê: Nou sal die Filistyne na my toe aftrek in Gilgal, en ek het die aangesig van die HERE nie om genade gesmeek nie; daarom het ek myself sterk gehou en die brandoffer gebring.

Exodus 32:1 Toe die volk sien dat Moses vertoef om van die berg af te kom, het die volk rondom Aäron versamel en vir hom gesê: Kom, maak vir ons gode wat voor ons uit trek; want hierdie Moses, die man wat ons uit Egipteland laat optrek het, ons weet nie wat van hom geword het nie.

Daniël 10:12-14 Toe sê hy vir my: Wees nie bevrees nie, Daniël; want van die eerste dag af dat jy jou hart daarop gerig het om ag te gee en jou voor die aangesig van jou God te verootmoedig, is jou woorde gehoor, en om jou woorde ontwil het ek gekom; (13) maar die vors van die koninkryk van die Perse het een en twintig dae lank teenoor my gestaan, en kyk, Mígael, een van die vernaamste vorste, het gekom om my te help; en ék het daar oorgebly by die konings van Persië. (14) Ek het dan gekom om jou inligting te gee oor wat jou volk aan die einde van die dae te beurt sal val, want die gesig sien nog op die verre toekoms.

Psalm 27:7-14 Hoor, o HERE, ek roep luid; en wees my genadig en antwoord my. (8) Van U sê my hart: Soek my aangesig! Ek soek u aangesig, o HERE! (9) Verberg u aangesig nie vir my nie, wys u kneg nie af in toorn nie: U was my hulp! Verstoot en verlaat my nie, o God van my heil! (10) Want my vader en my moeder het my verlaat, maar die HERE sal my aanneem. (11) HERE, leer my u weg en lei my op ‘n gelyk pad, vanweë my vyande. (12) Gee my nie oor aan die begeerte van my teëstanders nie, want valse getuies het teen my opgestaan, en hy wat geweld uitblaas. (13) o, As ek nie geglo het dat ek die goedheid van die HERE sal sien in die land van die lewendes nie…. (14) Wag op die Here! Wees sterk en laat jou hart sterk wees! Ja, wag op die HERE!

Psalm 33:16-22 ‘n Koning word nie verlos deur ‘n groot leër, ‘n held nie gered deur groot krag nie. (17) Die perd help niks vir die oorwinning en red nie deur sy groot krag nie. (18) Kyk, die oog van die HERE is op die wat Hom vrees, op die wat op sy goedertierenheid wag; (19) om hulle siel te red van die dood en hulle in die lewe te hou in hongersnood. (20) Ons siel wag op die HERE; Hy is ons hulp en ons skild; (21) want ons hart is bly in Hom, omdat ons op sy heilige Naam vertrou. (22) Laat u goedertierenheid, HERE, oor ons wees net soos ons op U wag!

Psalm 37:32-40 Sade. Die goddelose loer op die regverdige en soek om hom dood te maak. (33) Die HERE gee hom nie oor in sy hand nie, en Hy veroordeel hom nie as hy gerig word nie. (34) Kof. Wag op die HERE en hou sy weg, en Hy sal jou verhoog, om die aarde te besit; jy sal met welgevalle neersien op die uitroeiing van die goddelose mense. (35) Resj. Ek het die goddelose gesien, ‘n geweldenaar, terwyl hy hom uitbrei soos ‘n groen inlandse boom. (36) Toe gaan iemand verby, en kyk, hy was daar nie; en ek het hom gesoek, maar hy was nie te vinde nie. (37) Sjin. Let op die vrome en kyk na die opregte, want daar is ‘n toekoms vir die man van vrede. (38) Maar die oortreders word tesame verdelg; die toekoms van die goddelose word afgesny. (39) Tau. Maar die hulp van die regverdiges is van die HERE, hulle toevlug in tyd van benoudheid. (40) En die HERE help hulle en red hulle; Hy red hulle van die goddelose mense en verlos hulle, want hulle skuil by Hom.

Hábakuk 3:16-19 Toe ek dit hoor, het my ingewande gebewe; my lippe het getril by die geluid, bederf het gekom in my gebeente, ja, ek het gebewe waar ek staan, omdat ek rustig moes wag op die dag van benoudheid dat dit aanbreek vir die volk wat op ons ‘n aanval maak. (17) Alhoewel die vyeboom nie sal bloei en aan die wingerdstokke geen vrug sal wees nie, die drag van die olyfboom sal teleurstel en die saailande geen voedsel oplewer nie, die kleinvee uit die kraal verdwyn en geen beeste in die stalle sal wees nie— (18) nogtans sal ek jubel in die HERE, ek sal juig in die God van my heil. (19) Die HERE Here is my sterkte, en Hy maak my voete soos dié van herte, en Hy laat my tree op my hoogtes..

Jakobus 5:7-11 Wees dan geduldig, broeders, tot op die wederkoms van die Here. Kyk, die landbouer wag op die kostelike vrug van die aarde en het geduld daarmee totdat dit die vroeë en die laat reën ontvang het. (8) Julle moet ook geduldig wees; versterk julle harte, want die wederkoms van die Here is naby. (9) Moenie teen mekaar sug nie, broeders, sodat julle nie veroordeel word nie. Kyk, die Regter staan voor die deur. (10) Neem as voorbeeld van lyding, my broeders, en van geduld die profete wat in die Naam van die Here gespreek het. (11) Kyk, ons reken hulle geluksalig wat verdra. Julle het gehoor van die lydsaamheid van Job, en julle het die einddoel van die Here met hom gesien, dat die Here vol medelye en ontferming is.

Psalm 27:14 Wag op die Here! Wees sterk en laat jou hart sterk wees! Ja, wag op die HERE!

Psalm 31:25 Wees sterk, en laat julle hart sterk wees, almal wat op die HERE wag!

Jesaja 40:27-31 Waarom sê jy dan, o Jakob, en spreek jy, o Israel: My weg is vir die HERE verborge, en my reg gaan by my God verby? (28) Weet jy dit nie? Of het jy dit nie gehoor nie? ‘n Ewige God is die HERE, Skepper van die eindes van die aarde; Hy word nie moeg of mat nie; daar is geen deurgronding van sy verstand nie. (29) Hy gee die vermoeide krag en vermenigvuldig sterkte vir die wat geen kragte het nie. (30) Die jonges word moeg en mat, en die jongmanne struikel selfs; (31) maar die wat op die HERE wag, kry nuwe krag; hulle vaar op met vleuels soos die arende; hulle hardloop en word nie moeg nie, hulle wandel en word nie mat nie.

Jesaja 30:18-21 En daarom sal die HERE met ongeduld daarop wag om julle genadig te wees, en daarom sal Hy Hom verhef om Hom oor julle te ontferm; want die HERE is ‘n God van die gerig. Welgeluksalig almal wat op Hom wag! (19) Want ‘n volk sal op Sion, in Jerusalem, woon; jy sal nie meer ween nie; sekerlik sal Hy jou genade bewys op jou hulpgeroep; sodra Hy hoor, antwoord Hy jou. (20) Die Here gee julle wel brood van benoudheid en water van bedruktheid, maar jou leraars sal hulle nie langer verberg nie—maar jou oë sal jou leraars sien; (21) en jou ore sal ‘n woord agter jou hoor wat sê: Dit is die weg, wandel daarop! wanneer julle regs of wanneer julle links wil gaan.

DAAR STAAN ÓÓK GESKRYWE

Donald vat ons Amerika toe. (16-02-2025)

Feb 16, 2025 | Preke

Donald vat ons Amerika toe (16-02-2025)PDF

Banie Swanepoel:

Donald hoor ons hulpgeroep en verklaar dat ons na sy land toe kan kom en toe gebeur daar baie dinge wat ons herinner aan Donald vat ons Amerika toe. (16-02-2025)

Donald hoor ons hulpgeroep en verklaar dat ons na sy land toe kan kom en toe gebeur daar baie dinge wat ons herinner aan God se verklaring dat Hy ons siele sal red en ons na sy Koninkryk toe sal vat.

Wie kan almal gaan en wat is die voorwaardes?
Boere Afrikaner. Daar is geen voorskrif vir ouderdom of geleerdheid nie. Uit genade sonder werke.
• Yahshua was reeds self hier met sy eerste koms en het vir ons gesê dat Hy sy eie lewe vir ons kom opoffer sodat ons na sy Koninkryk toe kan gaan uit hierdie wêreld uit. Wie mag gaan en wie het Hy kom red?
Jesaja 41:13-14 Want Ek, die HERE jou God, gryp jou regterhand aan, Ek wat vir jou sê: Wees nie bevrees nie, Ek help jou. (14) Wees nie bevrees nie, wurmpie Jakob, volkie Israel! Ék help jou, spreek die HERE, en jou Losser is die Heilige van Israel.
Wat is die voorwaardes?
Die inligting kom van uit alle oorde en verskil baie met mekaar. Almal is onseker of dit regtig gaan gebeur en of dit vertrou kan word. Mense hou hulle opsies oop, maar gaan intussen aan met hulle lewe.
• Hoewel voorskrifte van Donald nie bekend is nie het Yahshua reeds sy voorwaardes bekend gemaak.
Johannes 3:3-6 Jesus antwoord en sê vir hom: Voorwaar, voorwaar Ek sê vir jou, as iemand nie weer gebore word nie, kan hy die koninkryk van God nie sien nie. (4) Nikodémus sê vir Hom: Hoe kan ‘n mens as hy oud is, gebore word? Hy kan tog nie ‘n tweede keer in die skoot van sy moeder ingaan en gebore word nie? (5) Jesus antwoord: Voorwaar, voorwaar Ek sê vir jou, as iemand nie gebore word uit water en Gees nie, kan hy in die koninkryk van God nie ingaan nie. (6) Wat uit die vlees gebore is, is vlees; en wat uit die Gees gebore is, is gees.
Hoe lyk die land waar hy ons wil heenvat?
Sovêr die Boere weet, is dit ‘n goeie land, maar hulle was nie self daar nie en inligting is min. Sal hulle almal op een plek ‘n gemeenskap vorm of sal hulle oor die land verdeel word? Is dit ‘n beter opsie of moet hulle liewer hier bly?
Omdat inligting oor die Koninkryk baie skaars is, het niemand ‘n visie nie, maar wag maar om te sien. Ons weet dit sal hemel op aarde wees, maar het geen begrip van wat vir ons wag nie.
• 1 Konings 2:9 maar soos geskrywe is: Wat die oog nie gesien en die oor nie gehoor en in die hart van ‘n mens nie opgekom het nie, wat God berei het vir die wat Hom liefhet.
Jesaja 65:19-25 En Ek sal juig oor Jerusalem en bly wees oor my volk; en daarin sal nie meer gehoor word die stem van geween of die stem van geskreeu nie. (20) Daarvandaan sal nie meer kom ‘n suigling van ‘n paar dae of ‘n grysaard wat sy dae nie vol uitlewe nie; want ‘n seun sal sterwe honderd jaar oud, en wie sondig, sal, honderd jaar oud, deur die vloek getref word. (21) En hulle sal huise bou en bewoon, en wingerde plant en die vrug daarvan eet: (22) hulle sal nie bou dat ‘n ander dit bewoon nie; hulle sal nie plant dat ‘n ander dit eet nie; want die dae van my volk sal wees soos die dae van die bome, en my uitverkorenes sal die werk van hulle hande self geniet. (23) Hulle sal hul nie tevergeefs vermoei of baar vir skielike ondergang nie; want hulle is ‘n geslag van die wat deur die HERE geseën is, en hulle nakomelinge is by hulle. (24) En voordat hulle roep, sal Ek antwoord; terwyl hulle nog spreek, verhoor Ek. (25) Die wolf en die lam sal saam wei, en die leeu sal strooi eet soos ‘n bees, en stof sal die voedsel van die slang wees; hulle sal geen kwaad doen of verderf aanrig op my hele heilige berg nie, sê die HERE.
Kan ek my huis hier behou en die geld saamvat?
Nee, dit sal nie toegelaat word deur Suid Afrika nie. So, die Boer sal al sy goed moet verkoop en die geld aan die armes gee. Hulle word vlugtelinge en kan niks saamvat nie. Enige persoon wat nie bereid is om dit te doen nie, sal kan gaan nie.
• Lukas 14:33 So kan dan ook niemand van julle wat nie afsien van al sy besittings, my dissipel wees nie.
Markus 10:21-24 En Jesus het hom aangekyk en hom liefgekry en vir hom gesê: Een ding kom jy kort—gaan verkoop alles wat jy het, en gee dit aan die armes, en jy sal ‘n skat in die hemel hê; kom dan hier, neem die kruis op en volg My. (22) Maar hy het treurig geword oor dié woord en bedroef weggegaan, want hy het baie besittings gehad. (23) Toe kyk Jesus rond en sê vir sy dissipels: Hoe beswaarlik sal hulle wat goed besit, in die koninkryk van God ingaan! (24) En die dissipels was verbaas oor sy woorde; maar Jesus antwoord weer en sê vir hulle: Kinders, hoe swaar is dit vir die wat op hulle goed vertrou, om in die koninkryk van God in te gaan!
Matthéüs 6:24 Niemand kan twee here dien nie; want òf hy sal die een haat en die ander liefhê, òf hy sal die een aanhang en die ander verag. Julle kan nie God én Mammon dien nie!
Die Boere Afrikaners het jaloerse vyande wat opstaan teen die gedagte dat hulle na ‘n ander land kan gaan.
Die regering in Suid Afrika bied weerstand en verskerp hulle verdrukking van die Boere.
• 2 Titus 3:12 En almal wat ook godvrugtig wil lewe in Christus Jesus, sal vervolg word.
1 Petrus 5:8 Wees nugter en waaksaam, want julle teëstander, die duiwel, loop rond soos ‘n brullende leeu, en soek wie hy kan verslind.
Om vervolging te voorkom, lewe die Boere asof hulle nie in die verlossing belangstel nie.
Werkkollegas en politieke leiers wat nie genooi is nie, asook Boere wat nie saamstem nie, word vyandig en om dit te voorkom kies die Boere dan teen die aanbod van Donald.
Matthéüs 10:32-39 Elkeen dan wat My sal bely voor die mense, hom sal Ek ook bely voor my Vader wat in die hemele is. (33) Maar elkeen wat My verloën voor die mense, hom sal Ek ook verloën voor my Vader wat in die hemele is. (34) Moenie dink dat Ek gekom het om vrede op die aarde te bring nie. Ek het nie gekom om vrede te bring nie, maar die swaard. (35) Want Ek het gekom om tweedrag te verwek tussen ‘n man en sy vader, en tussen ‘n dogter en haar moeder, en ‘n skoondogter en haar skoonmoeder. (36) En ‘n mens se huisgenote sal sy vyande wees. (37) Wie vader of moeder bo My liefhet, is My nie waardig nie; en wie seun of dogter bo My liefhet, is My nie waardig nie. (38) En wie sy kruis nie neem en agter My volg nie, is My nie waardig nie. (39) Wie sy lewe vind, sal dit verloor; en wie sy lewe verloor om My ontwil, sal dit vind.
Jakobus 4:7 Onderwerp julle dan aan God; weerstaan die duiwel, en hy sal van julle wegvlug.
Die media in Suid Afrika behoort aan die vyande en verkondig propaganda teen dit.
Vals inligting betreffende die hele projek word orals versprei om mense negatief te maak en te mislei. Die Boere is ongelukkig goedgelowig en glo maklik enige iemand wat geloofwaardig lyk en klink.
• Lukas 21:8 En Hy antwoord: Pas op dat julle nie mislei word nie; want baie sal onder my Naam kom en sê: Dit is ek! en: Die tyd is naby! Gaan dan nie agter hulle aan nie.
1 Johannes 2:26-27 Dit het ek aan julle geskrywe met betrekking tot die wat julle mislei. (27) En die salwing wat julle van Hom ontvang het, bly in julle, en julle het nie nodig dat iemand julle leer nie; maar soos dieselfde salwing julle aangaande alles leer, so is dit ook waar en geen leuen nie; en soos dié julle geleer het, so moet julle in Hom bly. 1Jo 2:20 En julle het die salwing van die Heilige en weet alles.
Sommige Boere Afrikaners het te veel besittings hier en wil dit nie verruil vir die geleentheid nie, ten spyte van die dreigende gevaar.
Baie Boere is ryk en hoop maar dit sal so bly en kies daarom om nie alles te verlaat en na die onbekende toe te gaan nie.
• 1 Johannes 2:15-17 Moenie die wêreld liefhê of die dinge wat in die wêreld is nie. As iemand die wêreld liefhet, dan is die liefde van die Vader nie in hom nie. (16) Want alles wat in die wêreld is—die begeerlikheid van die vlees en die begeerlikheid van die oë en die grootsheid van die lewe—is nie uit die Vader nie, maar is uit die wêreld. (17) En die wêreld gaan verby en sy begeerlikheid, maar hy wat die wil van God doen, bly vir ewig.
Sommige Boere Afrikaners voel dis onregverdig dat die res nie mag gaan nie en besluit dan daarom om nie sy aanbod te aanvaar nie.
Diskriminasie teen almal buiten die Afrikane Boere is onregverdig en omdat hulle nie daarmee verbind wil word nie, sal hulle liewers bly en maar die diskriminasie teen hulle verdra.
Omdat die God van Israel diskrimineer en net een volk uitverkies en verlos, kies mense om ‘n ander God te dien wat almal verlos.
• Romeine 9:13-21 Soos geskrywe is: Jakob het Ek liefgehad en Esau het Ek gehaat. (14) Wat sal ons dan sê? Is daar miskien onreg by God? Nee, stellig nie! (15) Want aan Moses sê Hy: Ek sal barmhartig wees oor wie Ek barmhartig wil wees en My ontferm oor wie Ek My wil ontferm. (16) So hang dit dan nie af van die een wat wil of van die een wat loop nie, maar van God wat barmhartig is. (17) Want die Skrif sê aan Farao: Juis hiervoor het Ek jou laat optree, dat Ek in jou my krag kan toon en dat my Naam verkondig kan word op die hele aarde. (18) So is Hy dan barmhartig oor wie Hy wil en Hy verhard wie Hy wil. (19) Jy sal dan vir my sê: Waarom verwyt Hy dan nog, want wie het sy wil weerstaan? (20) Maar tog, o mens, wie is jy wat teen God antwoord? Die maaksel kan tog nie vir die maker sê: Waarom het u my so gemaak nie? (21) Of het die pottebakker nie mag oor die klei, om uit dieselfde klomp die een voorwerp tot eer en die ander tot oneer te maak nie?
Tussen die Boere-Afrikaners ontstaan organisasies wat inligting versamel en mense dan help, maar hierdie organisasies word deur die vyande geïnfiltreer sodat hulle verkeerde inligting kan versprei.
• 2 Petrus 2:1-3 Maar daar was ook valse profete onder die volk, net soos daar onder julle valse leraars sal wees wat verderflike ketterye heimlik sal invoer, en ook die Here wat hulle gekoop het, verloën en ‘n vinnige verderf oor hulleself bring; (2) en baie sal hulle verderflikhede navolg, en om hulle ontwil sal die weg van die waarheid gelaster word; (3) en uit hebsug sal hulle met verdigte woorde voordeel uit julle trek. Oor hulle is die oordeel van lankal af nie werkeloos nie, en hulle verderf sluimer nie.
Die enigste manier om te weet wat regtig aangaan, is om Donald se eie verklaring te lees.

• 2 Timóthéüs 3:14-17 Maar bly jy in wat jy geleer het en waarvan jy verseker is, omdat jy weet van wie jy dit geleer het, (15) en dat jy van kleins af die heilige Skrifte ken wat jou wys kan maak tot saligheid deur die geloof in Christus Jesus. (16) Die hele Skrif is deur God ingegee en is nuttig tot lering, tot weerlegging, tot teregwysing, tot onderwysing in die geregtigheid, (17) sodat die mens van God volkome kan wees, vir elke goeie werk volkome toegerus.
Psalm 25:4-5 HERE, maak my u weë bekend; leer my u paaie. (5) He. Lei my in u waarheid en leer my, want U is die God van my heil. U verwag ek die hele dag.
Hebreërs 3:10-11 Daarom het Ek vertoornd geword op daardie geslag en gesê: Altyd dwaal hulle met die hart. Maar húlle het my weë nie leer ken nie, (11) sodat Ek in my toorn gesweer het: Hulle sal in my rus nie ingaan nie.

Wanneer Donald sy plan bekend maak moet dit presies gevolg word om saam te kan gaan.
Hy stel die voorwaardes en maak die operasionele beplanning bekend en die wat gered wil word, het nie ‘n aandeel daarin anders as om gereed te wees nie.
Matthéüs 24:42-46 Waak dan, omdat julle nie weet watter uur julle Here kom nie. (43) Maar weet dit: as die huisheer geweet het in watter nagwaak die dief sou kom, sou hy gewaak en nie toegelaat het dat in sy huis ingebreek word nie. (44) Daarom moet julle ook gereed wees, want die Seun van die mens kom op ‘n uur dat julle dit nie verwag nie. (45) Wie is dan die getroue en verstandige dienskneg vir wie sy heer oor sy diensvolk aangestel het om hulle hul voedsel op tyd te gee? (46) Gelukkig is daardie dienskneg vir wie sy heer, as hy kom, op hierdie manier besig sal vind.

DAAR STAAN ÓÓK GESKRYWE

« Older Entries